ԵԱՀԿ Մինսկի խմբի համանախագահները` Նյու Յորքում ՄԱԿ-ի Գլխավոր ասամբլեայի 76-րդ նստաշրջանի շրջանակում առանձին հանդիպումներ են ունեցել Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հետ: Համանախագահները երկու արտգործնախարարների հետ ունեցել են նաև համատեղ հանդիպում: Այս մասին հայտարարություն է հրապարակված ԵԱՀԿ պաշտոնական կայքում։

«Համանախագահները ողջունում են 2020 թվականի նոյեմբերից ի վեր երկու արտաքին գործերի նախարարների այս առաջին հանդիպումը ՝ ի նշան երկու երկրների վճռականության ՝ վերսկսվել խաղաղության գործընթացում ՝ անմիջական երկխոսության միջոցով, որն ուղղված կլինի տարածաշրջանում անվտանգության, կայունության և բարգավաճման նպաստմանը:

Համանախագահները, իրենց մանդատին համապատասխան, վերահաստատում են կողմերի հետ աշխատելու հավատարմությունը՝  ԼՂ հակամարտության հետ կապված և  դրանից բխող բոլոր մնացած հարցերի համապարփակ լուծման համար»,- ասված է հայտարարությունում։