Իրանի ԱԳՆ․ «Ադրբեջանը պետք է ազատ արձակի իրանցի վարորդներին»
ԻԻՀ արտգործնախարարության խոսնակը Ադրբեջանում ձերբակալված իրանցի երկու վարորդների ձերբակալության մասին ասել է. «Իրանի դեսպանատունը հետևում է խնդրին և ակնկալում է, որ Ադրբեջանն անհապաղ կազատի երկու վարորդներին և թույլ կտա նրանց շարունակել իրենց ճանապարհը»:
<
Խաթիբզադեն նշել է, որ հարևան երկրների տարածքային ամբողջականությունը կարևոր է մեզ համար:
Օրեր առաջ, Ադրբեջանի ոստիկանությունն առանց որևէ պատճառի ձերբակալել է Հայաստան ուղևորվող երկու իրանցի վարորդների:
Ի պատասխան Հայաստանում իրանական մեքենաների մուտքի հետ կապված խոչընդոտների մասին հարցին, Խաթիբզադեն ասել է. «Հարևան երկրների տարածքային ամբողջականությունը Իրանի համար կարևոր է, և մենք կարծում ենք, որ տարածաշրջանային համագործակցությունը խաղաղության և կայունության հիմքն է: Այն, ինչ այժմ կատարվում է հարևան երկրում, պետք է վերածվի կոլեկտիվ համագործակցության, և մենք փորձում ենք հեշտացնել Բաքու-Երևան պայմանավորվածությունները, և միակ ճանապարհը կոնսենսուսի ճանապարհն է»:
Նա հավելել է. «Իրանը հարևան երկրների զարգացումը համարում է իր սեփական զարգացումը: Բոլոր հարևանները պետք է իմանան, որ զարգացման և խաղաղության ու կայունության ուղին կոլեկտիվ ճանապարհ է»:
Նմանատիպ Լուրեր
Ամենաշատ դիտված
