Միջազգային հարաբերությունների, հանրային կառավարման եւ անվտանգության փորձագետ Սոսի Թաթիկյանը ֆեյսբուքյան իր էջում գրել է.

«Պարոն Տիգրան Հակոբյանը հենց հիմա Հանրայինի եթերով կապիտուլյացիա տերմինի մասին բառացի ասում է այն, ինչ ես անցյալ տարվա նոյեմբերի 9-ից ի վեր կրկնում եմ թե Հայաստանում և թե օտարերկրացիների համար (վերջիններս այդ տերմինի օգտագործման համար վկայակոչում են հայկական մամուլն ու գործիչներին)։

Իմ համար նման համեմատությունը բացարձակ անթույլատրելի է, քանի որ մենք ոչ թե ագրեսոր ենք եղել պատերազմում, այլ ագրեսիայի ենթարկված ու պարտություն կրած կողմ, իսկ այդ տերմինն օգտագործվում է ագրեսոր կողմի համար, երբ այն պարտվում է։ Ես նաև կավելացնեի, որ այդ տերմինը քսանմեկերորդ դարում առհասարակ չի օգտագործվում և արտացոլված չէ ժամանակակից միջազգային իրավունքում ու միջազգային նորմատիվ փաստաթղթերում։