Հյուսիսային Կորեան մի քանի ժամում երկու հրթիռ է արձակել
Հյուսիսային Կորեան դեկտեմբերի 17-ին փոքր հեռահարության հրթիռ է արձակել, որից մի քանի ժամ անց՝ դեկտեմբերի 18-ի վաղ առավոտյան, երկիրը միջմայրցամաքային բալիստիկ հրթիռ է արձակել։ Հրթիռների արձակումն արձանագրել են Հարավային Կորեան և Ճապոնիան։
«Արմենպրես»-ի փոխանցմամբ՝ BBC-ն նշում է, որ Փհենյանի այս քայլին նախորդել էր անցյալ շաբաթ Հարավային Կորեայի և ԱՄՆ-ի պաշտոնյաների հանդիպումը, որի նպատակն էր քննարկել ԿԺԴՀ-ից եկող միջուկային սպառնալիքներին արձագանքը։ Դրան ի պատասխան՝ Փհենյանը հայտարարել էր, որ «ավելի հարձակողական հակամիջոցներ կձեռնարկի»։
Դեկտեմբերի 18-ի արձակումը տեղի է ունեցել տեղի ժամանակով 08։24-ին։ Հրթիռը 73 րոպեում անցել է 1000 կմ, որից հետո ընկել է ծովը՝ Հոկայդոյից արևմուտք։
Արձակումից հետո ԱՄՆ նախագահի ազգային անվտանգության հարցերով խորհրդական Ջեյք Սալիվանը հեռախոսազրույց է ունեցել Կորեայի Հանրապետության և Ճապոնիայի իր պաշտոնակիցների հետ։ Կողմերը դատապարտել են ԿԺԴՀ-ի միջմայրցամաքային բալիստիկ հրթիռի փորձարկումը՝ դա անվանելով ՄԱԿ-ի անվտանգության խորհրդի «բազմաթիվ բանաձևերի կոպիտ խախտում»։
Իր հերթին Yonhap գործակալությունը հաղորդում է, որ Հարավային Կորեայի նախագահ Յուն Սոկ Յոլը կարգադրել է ԱՄՆ-ի և Ճապոնիայի հետ համատեղ արձագանքել հրթիռի արձակմանը։
Այս տարվա ընթացքում սա Հյուսիսային Կորեայի կողմից արձակված արդեն հինգերորդ միջմայրցամաքային բալիստիկ հրթիռն է։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
