Եվրահանձնաժողովը Հունգարիային, Լեհաստանին և Սլովակիային սպառնում է դատով՝ Ուկրաինայից հացահատիկի ներմուծման արգելքի համար
Եվրահանձնաժողովը Հունգարիային, Լեհաստանին և Սլովակիային սպառնացել է դատական հետապնդմամբ այն բանի համար, որ նրանք միակողմանի կարգով իրենց շուկաները ուկրաինական հացահատիկի մատակարարումների էմբարգո են սահմանել։
Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հայտնել է Հունգարիայի գյուղատնտեսության նախարար Իշտվան Նադը Եվրամիության երկրների գործընկերների հետ Բրյուսելում կայացած խորհրդակցությունից հետո։
Նա հիշեցրել է, որ Կենտրոնական Եվրոպայի երկրները հարկադրված են եղել սահմանել Ուկրաինայից գյուղատնտեսական արտադրանքի ներմուծման արգելք, քանի որ դա լուրջ վնաս էր հասցնում իրենց ֆերմերների շահերին։
«Այժմ Եվրահանձնաժողովն սպառնում է դատական քննություն սկսել Հունգարիայի, Լեհաստանի և Սլովակիայի դեմ՝ ազգային մակարդակով պատասխան միջոցներ ձեռնարկելու համար», - նշել է Նադը՝ հավելելով, որ Բուդապեշտն արդեն նամակ է ստացել Բրյուսելից այդ առիթով։
Նախարարն ասել է, որ Եվրահանձնաժողովն, ըստ էության, գործում է ի վնաս ԵՄ բոլոր երկրների, քանի որ Կենտրոնական Եվրոպայի երկրների էմբարգոն ուկրաինական արտադրանքից պաշտպանում է ամբողջ եվրոպական ընդհանուր շուկան։ Հունգարիայի կառավարությունն արդեն վաղուց ջանքեր է գործադրում Ուկրաինայից դեմպինգային գներով գյուղատնտեսական ապրանքների ներկրման դեմ։
Երեք ամիս առաջ Եվրահանձնաժողովը հրաժարվեց երկարաձգել Ուկրաինայից Բուլղարիա, Հունգարիա, Լեհաստան, Ռումինիա և Սլովակիա չորս տեսակի հացահատիկային և ձիթատու մշակաբույսերի՝ ցորենի, եգիպտացորենի, հլածուկի և արևածաղկի սերմերի մատակարարումների արգելքը, որի ժամկետը սպառվել էր սեպտեմբերի 15-ին։ Հունգարիայի կառավարությունը որոշել է միակողմանիորեն ուժի մեջ թողնել էմբարգոն և այն տարածել ուկրաինական գյուղատնտեսական արտադրանքի ևս 20 տեսակների, այդ թվում՝ ձավարեղենի, մսի, ձվի, բուսայուղի, բանջարեղենի, մեղրի վրա: Լեհաստանը և Սլովակիան նույնպես հայտարարել են Ուկրաինայից հացահատիկի մատակարարումների արգելքը պահպանելու մասին:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
