Ըստ կազմակերպության, նախորդ տարվա նույն ժամանակահատվածի համեմատ ընդհանուր թիվը 67 տոկոսով ավելի է, ինչն ակնհայտ է դարձնում լրատվամիջոցների համար «նոր համաշխարհային չափանիշների» անհրաժեշտությունը:
Ֆեդերացիան ընդգծում է զոհված լրագրողների թվի կտրուկ աճը հոկտեմբերին Գազայի հատվածում սկիզբ առած ռազմական գործողությունների ընթացքում՝ 68 կամ օրական մեկից ավելի լրագրող, որոնք լուսաբանում էին այդ իրադարձությունները:
Կազմակերպությունը երեկ հրապարակած զեկույցում հայտնում է նաև, որ տարվա ընթացքում ամբողջ աշխարհում բանտարկվել է մոտ 400 լրագրող:
Լրագրողների միջազգային ֆեդերացիան համաշխարհային հանրությունից ավելի մեծ ջանքեր է ակնկալում լրագրողների պաշտպանության ուղղությամբ:
Աղբյուր՝ azatutyun.am