«Խաղաղության խաչմերուկ» նախագիծը համընկնում է Հարավային Կովկասում Հնդկաստանի տեսլականի հետ․ փորձագետ
Հնդկաստանն առևտրի հաղորդակցությունների, առևտրային միջանցքների, էներգետիկ անվտանգության և աշխարհաքաղաքական առումներով շահեր ունի Հարավային Կովկասում և «Խաղաղության խաչմերուկ» նախագիծը համընկնում է նրա տեսլականի հետ։
«Արմենպրես»-ի հաղորդմամբ՝ հայկական, իրանական, հնդկական, վրացական և թուրքական վերլուծական կենտրոնների փորձագետների մասնակցությամբ դեկտեմբերի 4-ին Երևանում անցկացված «Տարածաշրջանային նոր իրողությունները և «Խաղաղության խաչմերուկը» խորագրով համաժողովում այս մասին ասաց «Հնդկահայ բարեկամություն» հասարակական կազմակերպության նախագահ Անանդ Ռանանջայը։
Նրա կարծիքով՝ Հնդկաստանը մինչև վերջերս հստակ ձևավորված արտաքին քաղաքականություն չի ունեցել Հարավային Կովկասի առումով։
«Հայաստանն այս տարածաշրջանում, վստահաբար, նշանակալի գործընկեր է Հնդկաստանի համար։ Հայաստանը միշտ էլ աջակցել է Հնդկաստանին՝ մասնավորապես Քաշմիրի հարցում և առանց որևէ վերապահումների։ Հայաստանը միշտ աջակցել է Հնդկաստանի մշտական անդամակցությանը ՄԱԿ-ի անվտանգության խորհրդին։ Այսպիսի մոտեցումը, վստահաբար իր արձագանքը գտել է Հնդկաստանում»,-ասաց Անանդ Ռանանջայը, ում դիտարկմամբ Հայաստանը տարածաշրջանում միակ երկիրն է, որի հետ Հնդկաստանն ունի փոխգործակցային բարեկամական հարաբերություններ։
Ըստ նրա՝ դա նշանակում է, որ աշխարհաքաղաքական հարցերում,ահաբեկչության դեմ պայքարում Հայաստանն ու Հնդկաստանն ընդհանուր շահեր ունեն։
«Հաշվի առնելով Հայաստանի անվտանգային խնդիրները Հնդկաստանը փորձում է հնարավորինս աջակից լինել՝ միաժամանակ հասկանալով, որ Հայաստանը ստիպված է զանազանել այս ուղղությամբ իր գործընկերների դաշտը։Ես կարող եմ ասել, որ սա խաղաղության և ուժի հավասարակշռման հարց է»,-ավելացրեց փորձագետը՝պարզաբանելով, որ Հնդկաստանը փորձում է այնպես անել, որ լարվածություն չառաջանա տարածաշրջանում, որպեսզի որևէ ագրեսորներ չձևավորվեն։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
