Հայաստանը պատրաստ է գործնական քայլեր նախաձեռնել «Խաղաղության խաչմերուկ» նախագծի կյանքի կոչման համար. Արայիկ Հարությունյան
Երևանում անցկացված «Տարածաշրջանային նոր իրողությունները և «Խաղաղության խաչմերուկը»» խորագրով փորձագիտական համաժողովի բացման խոսքում այս մասին ասաց ՀՀ վարչապետի աշխատակազմի ղեկավար Արայիկ Հարությունյանը՝ ողջունելով մասնակիցներին։
Հարավային Կովկասում տրանսպորտային ենթակառուցվածքների ապաշրջափակման շուրջ բանակցություններում Հայաստանն առաջնորդվում է տարածաշրջանային երթուղիների համապարփակ, ներառական և ոչ խտրական կիրառման, երկրների ինքնիշխանության և իրավազորության լիակատար հարգման սկզբունքներով, տարածաշրջանում բոլոր կողմերի համար բարեկեցիկ ապագա կառուցելու տեսլականով:
«Արմենպրես»-ի հաղորդմամբ՝ դեկտեմբերի 5-ին Երևանում անցկացված «Տարածաշրջանային նոր իրողությունները և «Խաղաղության խաչմերուկը»» խորագրով փորձագիտական համաժողովի բացման խոսքում այս մասին ասաց ՀՀ վարչապետի աշխատակազմի ղեկավար Արայիկ Հարությունյանը՝ ողջունելով մասնակիցներին։
«Այս գիտակցումով է, որ Հայաստանի կառավարությունը մշակել և ներկայացնում է «Խաղաղության խաչմերուկ» հայեցակարգը՝ որպես մեր կողմից որդեգրված խաղաղության օրակարգի կարևորագույն մի մաս: Այդ հայեցակարգի առանցքային իմաստը տարածաշրջանային կոմունիկացիաների զարգացումն է՝ նոր ճանապարհներ, երկաթուղիներ, խողովակաշարեր, էլեկտրահաղորդման գծեր կառուցելու, հները նորոգելու և գործարկելու միջոցով»,- հավելեց նա՝ նշելով, որ նախագծի նպատակն է՝ վերականգնել տարածաշրջանի կարևոր դերը՝ հյուսիս-հարավ և արևելք-արևմուտք գլոբալ փոխգործակցության համատեքստում անխոչընդոտ տարածման ապահովման գործում:
Հարությունյանը կասկածից վեր համարեց այն, որ բեռների, ապրանքների և մարդկանց տեղաշարժի նոր հնարավորություններն իրենց հերթին կապահովեն անվտանգության և կայունության լրացուցիչ երաշխիքներ, ինչպես նաև՝ տնտեսական աճի լուրջ նախադրյալներ տարածաշրջանի բոլոր երկրների համար:
«Հայաստանը պատրաստ է նախաձեռնել գործնական քայլեր «Խաղաղության խաչմերուկ»-ի կյանքի կոչման համար: Ցանկանում եմ նշել նաև, որ տարածաշրջանային այս կարևոր նախաձեռնության կյանքի կոչման հարցում Հայաստանի կառավարությունն ակնկալում է միջազգային բոլոր գործընկերների գործուն աջակցությունը»,-ընդգծեց ՀՀ վարչապետի աշխատակազմի ղեկավարը։
Նրա խոսքով՝ մեր օրերում միջազգային հարաբերությունների՝ բոլորին հայտնի սկզբունքներն ու կանոնները խարխլվում են, իսկ համագործակցային անվտանգության նկատմամբ վստահությունն ու լավատեսությունը շարունակում է նվազել: Սակայն, Հայաստանը հավատում է կայուն խաղաղության հասնելու, բոլոր վերքերը և հակամարտությունները խաղաղ միջոցներով հանգուցալուծելու տարածաշրջանի ժողովուրդների ցանկությանն ու կարողությանը:
«Փոխկապակցվածության և փոխազդեցությունների արդի դարաշրջանում մարդկության առջև ծառացած մարտահրավերների լուծումը համատեղ և համերաշխ ջանքեր են պահանջում, ու Հայաստանը ևս պատրաստ է իր նպաստը բերել առկա մարտահրավերների հաղթահարման, մեր տարածաշրջանում տևական խաղաղության հաստատման գործընթացում: Պատմականորեն Հայաստանը միշտ եղել է հյուսիսը հարավին և արևմուտքն արևելքին կապող խաչմերուկում՝ դրանից բխող քաղաքական, տնտեսական, մշակութային առանձնահատկություններով: Այսօր ևս ելնելով իր աշխարհագրական դիրքից՝ Հայաստանը պատրաստ է ծառայել որպես կապող հանգույց նման փոխգործակցության համար»,-հավաստել է Հարությունյանը՝ ավելացնելով, որ լինելով դեպի ծով ելք չունեցող երկիր, մոտ 30 տարի շրջափակված իր հարևաններից երկուսի կողմից՝ Հայաստանը լավ գիտակցում է տարածաշրջանային տրանսպորտային հանգույցների լիարժեք կենսագործունեության կարևորությունը:
Վարչապետի աշխատակազմի ղեկավարը համոզմունք հայտնեց, որ համաժողովի ընթացքում ակտիվ երկխոսություն կծավալվի տարածաշրջանային խնդիրների և դրանց լուծման ուղիների շուրջ:
Ըստ նրա՝ վերջին շրջանում, երբ միջազգային հարաբերություններում ի հայտ եկող նոր մարտահրավերներին գալիս են գումարվելու դեռևս լուծման կարոտ հիմնահարցերը՝ ավելի են կարևորվում նման քննարկումները:
«Կարծում եմ, որ այս համաժողովը կարող է դառնալ հաջողված հարթակ, և պետք է ապահովել վերջինիս շարունակականությունը՝ հրավիրելով նաև մասնակիցներ տարածաշրջանի այլ երկրներից: Բայց այն ներկայացուցչականությունը, որ այստեղ կա, արդեն լուրջ լավատեսություն է ներշնչում»,-ընդհանրացրեց Հարությունյանը:
Այնուհետև համաժողովի մասնակիցներին է ներկայացվել ՀՀ կառավարության «Խաղաղության խաչմերուկ» նախագիծը:
Համաժողովին մասնակցել են նաև ՀՀ Արտաքին գործերի նախարարի տեղակալ Մնացական Սաֆարյանը, Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Մեհդի Սոբհանին, Հայաստանի Հանրապետությունում Հնդկաստանի արտակարգ և լիազոր դեսպան Նիլակշի Սահա Սինհան, փորձագետներ Հայաստանից, Վրաստանից, Իրանից, Հնդկաստանից և Թուրքիայից:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
