Իրանը ողջունում է այն նոր քայլերը, որոնք Հայաստանը ձեռնարկել է հանուն խաղաղության ու անվտանգության. դեսպան
Մենք ողջունում ենք այն նոր քայլերը, որոնք Հայաստանի կառավարությունը ձեռնարկել է հանուն խաղաղության ու անվտանգության։
«Արմենպրես»-ի հաղորդմամբ՝ այս մասին հայտարարեց ՀՀ-ում իրանի դեսպան Մեհդի Սոբհանին՝ հայկական, իրանական, հնդկական, վրացական և թուրքական վերլուծական կենտրոնների փորձագետների մասնակցությամբ անցկացվող «Տարածաշրջանային նոր իրողությունները և «Խաղաղության խաչմերուկը» խորագրով փորձագիտական համաժողովի ընթացքում:
«Մենք սատարում ենք Հայաստանի ինքնիշխանությունը և տարածքային ամբողջականությունը։ Սատարում ենք տևական և կայուն խաղաղությունը տարածաշրջանում։ Վստահ եմ, որ այսօրինակ միջոցառումները կարող են նոր էջ բացել մեր փորձագետների համագործակցության ասպարեզում։ Կեցցե Հայաստանը, Կեցցե Իրանը»,- իր խոսքում նշեց դեսպանը:
Նրա խոսքով՝ Իրանցիների և հայերի միջև երկարամյա պատմական կապերը, երկու կառավարությունների միջև բարի դրացիական հարաբերություններն արժեքավոր գործոններ են, որոնք թույլ են տալիս էլ ավելի բարելավել հարաբերությունները։
Դեսպանը նկատեց՝ Հայաստանն ու Իրանն ունեն ամենակարճ ընդհանուր սահմանը, բայց դա լավագույն սահմաններից մեկն է։ Այն միշտ եղել է բարեկամության և խաղաղության սահման։
Նա նաև ընդգծեց, որ երկու երկրների միջև առևտրաշրջանառությունը բազմապատկվել է և արդեն հասնում է մինչև 1 մլրդ դոլարի։
«Մեր երկու երկրները միմյանց հետ փոխադարձ շահավետ համաձայնագրեր ունեն ենթակառուցվածքների զարգացման և էներգետիկայի ոլորտներում։ Փորձում ենք նաև ուսումնասիրել թաքնված ներուժը՝ ի շահ երկու երկրների հարաբերությունների։ Կասկած չկա, որ տարանցիկ ենթակառուցվածքների, հաղորդակցության ուղիների բացումը կնպաստի ոչ միայն երկու երկրների միջև տնտեսական, առևտրային հարաբերությունների զարգացմանն, այլև ճանապարհ կհարթի տարածաշրջանային մասնակցության համար։ Մենք հավատում ենք, որ հաղորդակցության միջանցքները Հնդկաստանից մինչև Չաբահար նավահանգիստ, Հայաստան ու Սև ծով՝ վստահելի ճանապարհ կտրամդրեն դեպի հյուսիս, դեպի Եվրոպա ապրանքների տեղափոխման համար։ Այս ուղու զարգացումը մեր երկրներին կապահովի արտաքին վնասներից։ Այս համատեքստում է, որ կարևորում ենք Հնդկաստանի դերը Չաբահարի նավահանգստի զարգացման գործում, ողջունում ենք հայերի մասնակցությունը դրանում։ Հավատում եմ, որ եթե երկրներն ունենան ավելի շատ հաղորդակցության ուղիներ, ապա նրանք կարող են ավելի նշանակալի դեր ձեռք բերել միջազգային ասպարեզում։ Սա նոր ուժի հայեցակարգն է»,- իր խոսքը եզրափակեց Իրանի դեսպանը:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
