Ադրբեջանում կալանավորել են Ալիևի մերձավորների շրջանում կոռուպցիան հետաքննող լրագրողներին
Լրագրողներն իրենց մեղքը չեն ընդունել, իսկ AbzasMedia-ն կարծում է, որ հրատարակության ղեկավարների ձերբակալության իրական պատճառը նրանց կողմից անցկացվող կոռուպցիոն հետաքննություններն են։ Նման կարծիքի են նաև Լրագրողների պաշտպանության միջազգային կոմիտեն և Amnesty International իրավապաշտպան կազմակերպությունը, որոնք պահանջում են ազատ արձակել լրագրողներին։
Ադրբեջանի իշխանությունները խուզարկել են AbzasMedia հետաքննական հրատարակության խմբագրությունը և կալանավորել դրա երկու ղեկավարներին։ Այս լրատվամիջոցը գրում էր պաշտոնյաների, այդ թվում՝ Ադրբեջանի նախագահ Իլհամ Ալիևի մերձավորների շրջանում կոռուպցիայի մասին։ «Արմենպրես»-ն այս մասին տեղեկանում է BBC-ի ռուսական ծառայությունից։
AbzasMedia-ի տնօրեն Ուլվի Հասանլին ոստիկանության ուղեկցությամբ նոյեմբերի 21-ին գնացել է հրատարակություն։ Նրա աչքի տակ կապտուկ է եղել, և նա հայտնել է, որ նույն առավոտյան ոստիկանները բռնել են իրեն և ծեծի ենթարկել։
Լրատվամիջոցի գրասենյակում խուզարկություն է անցկացվել․ ոստիկանները հայտնել են, որ գտել են 40 հազար եվրո։
Նոյեմբերի 21-ի առավոտյան խուզարկություն է անցկացվել նաև AbzasMedia-ի խմբագիր Սևինչ Վագիֆգըզըի տանը։ Վագիֆգըզըին նոյեմբերի 21-ի գիշերը ձերբակալել էին օդանավակայանում, երբ նա վերադարձել էր Ադրբեջան։
Իշխանությունները Հասանլիին և Վագիֆգըզըին մեղադրել են փողերի մաքսանենգության համար։ Նրանց սպառնում է մինչև 12 տարվա ազատազրկում։
Լրագրողներն իրենց մեղքը չեն ընդունել, իսկ AbzasMedia-ն կարծում է, որ հրատարակության ղեկավարների ձերբակալության իրական պատճառը նրանց կողմից անցկացվող կոռուպցիոն հետաքննություններն են։ Նման կարծիքի են նաև Լրագրողների պաշտպանության միջազգային կոմիտեն և Amnesty International իրավապաշտպան կազմակերպությունը, որոնք պահանջում են ազատ արձակել լրագրողներին։
ԱՄՆ պետքարտուղարության խոսնակ Մեթյու Միլլերը նույնպես մտահոգություն է հայտնել լրագրող Ուլվի Հասանլիի ձերբակալության և «նրա նկատմամբ ենթադրյալ ֆիզիկական բռնության» առնչությամբ։
AbzasMedia-ն Ադրբեջանում հայտնի է պաշտոնյաների շրջանում կոռուպցիայի իր հետաքննություններով։ Նրա լրագրողները, օրինակ, պարզել են, որ Զանգիլանի շրջանում տեխնոլոգիական «խելացի գյուղի» կառուցման հետևում կանգնած է մի ընկերություն, որը պատկանում է նախագահի օգնականի եղբորը։
Սևինչ Վագիֆգըզըն բազմաթիվ հետաքննությունների հեղինակ է։ Մի քանի տարի առաջ նրան, ինչպես նաև նրա մի քանի այլ գործընկերների, արգելել էին լքել երկիրը։
BBC-ն նշում է, որ Ադրբեջանում ընդունված գործելակերպ է, երբ տարբեր պատրվակներով լրագրողներին արգելում են ճանապարհորդել։
Բազմաթիվ լրագրողներ էլ ձերբակալված են։ Հոկտեմբերի տվյալներով՝ քաղբանտարկյալների ցուցակը, որը հրապարակել են տեղի իրավապաշտպանները, ներառում է ավելի քան 200 անուն։ Ընդամենը մի քանի ամսում այդ թիվը կրկնապատկվել է։
2022 թվականին Transparency International-ի կոռուպցիայի ինդեքսում Ադրբեջանը զբաղեցրել է 157-րդ տեղը՝ Հոնդուրասի, Իրաքի, Մյանմայի և Զիմբաբվեի հետ։
«Լրագրողներ առանց սահմանների» կազմակերպությունն Ադրբեջանի վերաբերյալ իր զեկույցում գրում է, որ երկրում ԶԼՄ-ները գտնվում են իշխանությունների վերահսկողության տակ։
Ադրբեջանի իշխանությունները հերքում են այս մեղադրանքները, սակայն երկրում շատերը նշում են, որ Իլհամ Ալիևի իշխանության 20 տարիների ընթացքում ԶԼՄ-ների վիճակը վատթարացել է։
Հոդվածում նշվում է, որ եթե դիտարկենք Ադրբեջանի առաջատար լրատվամիջոցների վերնագրերը, ապա թվում է, թե Ադրբեջանում գրեթե չկան այլ թեմաներ, բացի Ալիևից և Լեռնային Ղարաբաղից։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
