ԱՄՆ պետդեպը զեկույց է պատրաստում Լեռնային Ղարաբաղում տեղի ունեցած իրադարձությունների վերաբերյալ
Ամերիկայի Միացյալ Նահանգների պետական դեպարտամենտը զեկույց է պատրաստում Լեռնային Ղարաբաղում տեղի ունեցած իրադարձությունների մասին։
Ինչպես հաղորդում է «Արմենպրես»-ը, այս մասին ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովում «Լեռնային Ղարաբաղի ապագան» թեմայով լսումների ժամանակ հայտարարել է ԱՄՆ պետական դեպարտամենտի Եվրոպայի և Եվրասիական տարածաշրջանի հարցերով բյուրոյի քարտուղարի տեղակալ Ջեյմս Օ-Բրայենը։ «Ցանկանում եմ հանձնաժողովին տեղեկացնել, որ պետքարտուղարի հանձնարարությամբ համապարփակ և թափանցիկ զեկույց ենք պատրաստում, թե ինչ է տեղի ունեցել այնտեղ, ոչ միայն այս օրերին, այլ նաև դրանից ամիսներ առաջ»,- ասել է Օ-Բրայենը։
Նա հստակեցրել է, որ դրա համար ներգրավել են անկախ հետաքննողների, կան իրենց հետաքննողները, ինչպես նաև տեղեկություններ կան միջազգային ոչ կառավարական կազմակերպություններից և այլ հետաքննողներից։ Նա հետաքննության համար ժամկետներ չի նշել, սակայն վստահեցրել է, որ բաց կլինեն իրենց հավաքած տեղեկատվությամբ կիսվելու առումով։
Անդրադառնալով Ադրբեջանի ռազմական ագրեսիայի հետևանքով Լեռնային Ղարաբաղից ավելի քան 100 հազար մարդու բռնի տեղահանմանը՝ Օ-Բրայենը նշել է, որ իրենք պնդում են, որ այդ մարդիկ պետք է ամբողջական հասանելիություն ունենան այդ տարածքին (խմբ․ Լեռնային Ղարաբաղ), նրանց սեփականությունը, մշակույթը պետք է պաշտպանված լինի։ Նրա խոսքով՝ մարդիկ պետք է համապատասխան տեղեկատվություն ստանան, որպեսզի կարողանան ընտրություն կատարել իրենց ապագայի վերաբերյալ և իմանան, որ իրական հնարավորություն կունենան Լեռնային Ղարաբաղ վերադառնալու և այնտեղ լավ ապրելու, եթե նման որոշում կայացնեն։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
