Բայդենը Կատարի էմիրի հետ քննարկել է ՀԱՄԱՍ-ի կողմից պահվող պատանդների ազատման հարցը
ԱՄՆ նախագահ Ջո Բայդենը և Կատարի էմիր շեյխ Թամիմ բեն Համադ Ալ Թանին նոյեմբերի 12-ին տեղի ունեցած հեռախոսազրույցի ժամանակ քննարկել են Գազայի հատված մարդասիրական օգնության առաքման և ՀԱՄԱՍ արմատական շարժման կողմից պահվող պատանդների ազատ արձակման հարցը։
ԱՄՆ նախագահ Ջո Բայդենը և Կատարի էմիր շեյխ Թամիմ բեն Համադ Ալ Թանին նոյեմբերի 12-ին տեղի ունեցած հեռախոսազրույցի ժամանակ քննարկել են Գազայի հատված մարդասիրական օգնության առաքման և ՀԱՄԱՍ արմատական շարժման կողմից պահվող պատանդների ազատ արձակման հարցը։
Այդ մասին ասված է բանակցությունների արդյունքների վերաբերյալ Սպիտակ տան տարածած հայտարարության մեջ։
«Երկու ղեկավարները քննարկել են խաղաղ բնակչության պաշտպանության և Գազայի հատված խիստ անհրաժեշտ մարդասիրական օգնության անընդհատ հոսքի մեծացմանն ուղղված ջանքերի անհրաժեշտությունը»,-ասված է հայտարարության մեջ։
Բայդենը երախտագիտություն է հայտնել Կատարին և անձամբ Շեյխ Թամիմին ՀԱՄԱՍ-ի կողմից պահվող պատանդներին ազատելու`ավելի վաղ ձեռնարկած ջանքերի համար:
«Երկու երկրների ղեկավարները համաձայնել են, որ բոլոր պատանդները պետք է անհապաղ ազատ արձակվեն», – հավելել են Սպիտակ տանը։
Բայդենը «վերահաստատել է իր տեսլականը պաղեստինյան պետության ապագայի վերաբերյալ»՝ Իսրայելի և Պաղեստինի միջև խաղաղ գոյակցության շրջանակներում։
«Նա նշել է, որ ՀԱՄԱՍ-ն արդեն վաղուց խոչընդոտ է այդ նպատակին հասնելու համար: Երկու երկրների ղեկավարները պայմանավորվել են շարունակել ջանքերը՝ ավելի խաղաղ, անվտանգ, բարգավաճ և կայուն մերձավորարևելյան տարածաշրջանի ընդհանուր տեսլականը խթանելու համար», – նշված է հայտարարության մեջ։
Աղբյուր՝ 1in.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
