15 մարդ է զոհվել Գազայի հատվածում շտապօգնության ավտոշարասյանը հարվածից
Ալ-Շիֆա կենտրոնական հիվանդանոցի մոտ շտապօգնության մեքենաների շարասյանը իսրայելական ռազմական օդային հարվածի հետևանքով 15 մարդ է զոհվել, ավելի քան 60-ը՝ վիրավորվել։ Այս մասին շաբաթ օրը՝ նոյեմբերի 4-ին, հայտնել է Պաղեստինյան Կարմիր մահիկի ընկերությունը (ՊԿՄ):
«Բացի դրանից, ՊԿՄ-ի աշխատակիցները՝ բժիշկը և շտապօգնության վարորդը, վիրավորվել են», – ասվում է պաղեստինյան կազմակերպության հայտարարության մեջ:
Կազմակերպությունը նաև հայտարարել է, որ հոկտեմբերի 7-ից պաղեստինա-իսրայելական հակամարտության սրումից հետո, իրենց հումանիտար պարտականությունները կատարելիս, Կարմիր մահիկի չորս բժիշկ է զոհվել և ավելի քան 20-ը վիրավորվել, իսկ շտապօգնության ութ մեքենա ոչնչացվել է։
«Բժշկական խմբերի վրա կանխամտածված հարձակումը ռազմական հանցագործություն է և Ժնևի կոնվենցիաների լուրջ խախտում», – ասել է ՊԿՄ-ն:Հումանիտար ճգնաժամը սրվում է: Գազայի հատվածում և Իսրայելում զոհերի թիվը հատել է 10 800-ը:
2 միլիոնից ավելի բնակչություն ունեցող Գազայի հատվածում ներքին տեղահանվածների թիվը գնահատվում է մինչև 1 միլիոն: Մարդիկ չունեն նորմալ սնունդ, խմելու ջուր, վառելիք, էլեկտրականություն, բժշկական ծառայություններից օգտվելու հնարավորություն:
ՄԱԿ-ից հայտնում են, որ չնայած Եգիպտոսի Ռաֆահ անցակետով Գազայի հատված հումանիտար մատակարարումներին՝ դրանք բնակչությանը չեն բավականացնում:
Իսրայելի նախագահ Իսահակ Հերցոգը հայտարարել է, որ պաղեստինցիների տառապանքը կավարտվի, երբ ՀԱՄԱՍ-ը ոչնչացվի։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
Ամենաշատ դիտված
