Ալիևը պետք է կանգնի Միջազգային քրեական դատարանի առաջ. Կանադայի Սենատի անդամ
Աշխարհը մոռանում է անցյալը, մենք կրկնում ենք պատմության ամենամութ դրվագները ոչ միայն Իսրայելում, այլև Արցախում:
Աշխարհը մոռանում է անցյալը, մենք կրկնում ենք պատմության ամենամութ դրվագները ոչ միայն Իսրայելում, այլև Արցախում:
Այս մասին X-ի (նախկին՝ «Թվիթեր») իր միկրոբլոգում գրել է Կանադայի Սենատի անդամ Լեո Հուսակոսը:
Գրառմանը կից նա ներկայացրել է Սենատում ունեցած ելույթը, որում հորդորում է առանց ուշադրության չթողնել հայ ժողովրդին։ Նա հիշեցրել է, որ մի շարք կառույցներ, փորձագետներ Լեռնային Ղարաբաղի բնակչության դեմ Ադրբեջանի գործողությունները ցեղասպանություն են որակել:
Այն թարգմանաբար ներկայացրել է «Լուրեր»-ը:
«Արցախի բնիկ հայերն այժմ աներևակայելի աղետի են բախվել։ Մեր բարոյական պարտքն է արձագանքել՝ ոչ միայն խոսքերով, այլև գործողություններով: Սեպտեմբերի 19-ին Ադրբեջանը, ռազմական ուժ կիրառելով, գնդակոծելով քաղաքացիական ենթակառուցվածքները և խաղաղ բնակիչներին, սրեց ճգնաժամը:
Ընդամենը 1 շաբաթվա ավելի քան 100 հազար անմեղ քաղաքացի ստիպված էր լքել պապերի հայրենիքը: Ինչի հետևանքով հումանիտար աղետ ստեղծվեց ոչ միայն Արցախում, այլև Հայաստանում, որն ընդունել է փախստականներին: Կանադան պարտավոր է միջամտել և պաշտպանել բնակչությանը էթնիկ զտումներից ու ցեղասպանությունից։ Սա որոշիչ պահ է Կանադայի և աշխարհի մյուս ժողովրդավարությունների համար: Մենք պետք է աջակցենք այնպիսի ժողովրդավարություններին, ինչպիսիք են Հայաստանը, Արցախը և շատ այլ երկրներ:
Ադրբեջանի կառավարության անդամների նկատմամբ դիվանագիտական և տնտեսական պատժամիջոցներ պետք է կիրառվեն, Ալիևը պետք է կանգնի Միջազգային քրեական դատարանի առաջ։ Արցախի՝ ավելի քան 4000 տարվա ժառանգություն ունեցող բնիկ հայ համայնքն ինքնորոշման իրավունք ունի: Բնիկ հայերին բնաջնջում և դուրս են շպրտում իրենց տներից միայն այն պատճառով, որ նրանք հայ են։ Ընդ որում՝ սա արդեն երկրորդ ողբերգությունն է մեկ դարում։
Երբ ճանաչում էինք Հայոց ցեղասպանությունը, ելույթներ էինք ունենում, թե թույլ չենք տա՝ այդ ողբերգությունը կրկնվի: Բայց, ահա՛, դա տեղի է ունենում հենց հիմա, մինչդեռ մենք խոսում ենք։ Այնուամենայնիվ, բոլորը մոռացել են այդ մարդկանց մասին, քանի որ աշխարհում էսկալացիայի նորանոր օջախներ են բացվում:
Այդ ժողովուրդը տառապում է, տեղահանվածների համար մի քանի միլիոնի աջակցություն հայտարարելը, ճիշտն ասած, ամոթալի է...
Արդեն շատ ուշ է: Եթե բռնակալների վրա ճնշում չգործադրվի, նրանք կանգ չեն առնի: Միայն այն պատճառով, որ Արցախը և Հայաստանը նավթ ու գազ չունեն, նրանք մեզ համար պակաս կարևոր չպետք է լինեն»,- նշել է Հուսակոսը։
Աղբյուր՝ armtimes.com
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
