Թուրքիան նախատեսում է հրավիրել Իսլամական համագործակցության կազմակերպության (ԻՀԿ) անդամներին՝ քննարկելու Պաղեստինի և Իսրայելի միջև հակամարտությունը կարգավորելու գաղափարը յուրաքանչյուր կողմի համար երաշխավոր երկրների հիման վրա։

 

Այս մասին լրագրողներին ասել է Թուրքիայի արտգործնախարար Հաքան Ֆիդանը։

 

«Մենք դեռ չենք քննարկել բուն համակարգը և երաշխիքների բնույթը, բայց այս գաղափարը ներկայացնում ենք որպես կարգավորման հիմնական տարբերակ։ Ես մեր առաջարկները կհնչեցնեմ ավելի լայն լսարանի համար ԻՀԿ-ի հանդիպմանը։ Մենք առաջարկում ենք, որ որոշ երկրներ Տարածաշրջանի երաշխավորներ կդառնան Պաղեստինի համար, և Թուրքիան, մյուս երկրները կդառնան Իսրայելի երաշխավորները: Այս պետությունները պետք է պատասխանատվություն ստանձնեն կարգավորման պայմանների կատարման համար»,- Ֆիդանի խոսքերն է մեջբերել Sözcü թերթը։

 

Նախարարի խոսքով՝ ամերիկյան կողմի հետ շփումների ընթացքում ինքը բարձրացրել է Մերձավոր Արևելքում հակամարտությունը երկու պետություն ստեղծելու սկզբունքներով լուծելու հարցը, սակայն այս ճանապարհը ներկայումս սառեցված է։ Նա նշել է, որ Միացյալ Նահանգներում «նրանք նույնպես ցանկանում են երկու պետությունների լուծում»:

 

«Եթե Իսրայելն իր անվտանգությունն է ցանկանում տարածաշրջանում, ապա պաղեստինցիները պետք է ունենան իրենց պետությունը: Միայն այդպես կապահովվի կայուն խաղաղություն: Հակառակ դեպքում, ԱՄՆ-ի և Արևմուտքի ռազմական և քաղաքական աջակցությամբ անվտանգության խնդիր միայն կառաջանա, և կլինեն լարվածության նոր փուլեր»,- ընդգծել է Ֆիդանը։

 

Աղբյուր՝ armtimes.com