Քննարկվել են քաղաքաշինության բնագավառում հայ-իրանական համագործակցության ընդլայնման հնարավորությունները
Քաղաքաշինության կոմիտեից տեղեկացնում են՝ նախագահ Արմեն Ղուլարյանը հյուրընկալել է Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Մեհդի Սոբհանիին:
Քննարկվել են քաղաքաշինության բնագավառում երկու երկրների միջև համագործակցության ընդլայնման հնարավորությունները:
Արմեն Ղուլարյանը դեսպանին ներկայացրել է կոմիտեի գործունեության հիմնական ուղղությունները: Անդրադառնալով Հայաստանում իրականացվող շինարարական լայնածավալ աշխատանքներին՝ նա տեղեկացրել է, որ կոմիտեն ՀՀ կառավարության կողմից իրագործվող առանցքային ծրագրերի, մասնավորապես՝ դպրոցների, մանկապարտեզների, մարզամշակութային և առողջապահական կառույցների շինարարության խոշոր պատվիրատուներից է։
Կողմերը դիտարկել են շինարարական ծրագրերին իրանական ընկերությունների մասնակցության, Իրանից աշխատուժի և ոլորտի փորձագետների ներգրավման հնարավորությունները: Շինարարության ողջ շղթայում կարևորելով որակյալ շինանյութի և առաջադեմ տեխնոլոգիաների կիրառումը՝ քննարկվել են շինարարական նյութերի արտադրության կազմակերպմանն առնչվող հարցեր:
Մեհդի Սոբհանին կոմիտեի ղեկավարին փոխանցել է իրանական ընկերությունների հետաքրքրվածությունը Հայաստանի քաղաքաշինական ծրագրերով:
Քաղաքաշինության ոլորտում համագործակցության ընդլայնման նպատակով կողմերը պայմանավորվել են ստորագրել փոխըմբռնման հուշագիր ՀՀ քաղաքաշինության կոմիտեի և Իրանի Իսլամական Հանրապետության ճանապարհների և քաղաքաշինության նախարարության միջև իրանական պատվիրակության առաջիկա այցի ընթացքում:
Համագործակցության ուղղություններից առանձնացվել են նաև սեյսմիկ անվտանգության ոլորտում գիտելիքների և փորձի փոխանակումը, ճարտարապետության և շինարարության ուղղվածությամբ համալսարանների միջև համագործակցությունը: Արձանագրելով Իրանում և Հայաստանում կազմակերպվող ոլորտային ցուցահանդեսներին ու համաժողովներին երկու երկրների մասնավոր հատվածի մասնակցությունը՝ միաժամանակ ընդգծվել է այդ ուղղությամբ առավել հետևողական քայլեր ձեռնարկելու անհրաժեշտությունը:
Կողմերը պայմանավորվել են ներդնել բոլոր ջանքերը՝ ձեռք բերված պայմանավորվածությունները կյանքի կոչելու համար:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
