ԱՄՆ կոնգրեսականները և իրավապաշտպան ու կրոնական կազմակերպությունները դատապարտել են Ալիևի կողմից ԼՂ-ում էթնիկ զտումները
ԱՄՆ մի շարք կոնգրեսականներ, ինչպես նաև իրավապաշտպան և կրոնական կազմակերպություններ դատապարտել են Լեռնային Ղարաբաղում Ադրբեջանի կողմից իրականացված էթնիկ զտումը:
ԱՄՆ մի շարք կոնգրեսականներ, ինչպես նաև իրավապաշտպան և կրոնական կազմակերպություններ Կապիտոլիումի բլրի վրա տեղի ունեցած միջոցառման ընթացքում դատապարտել են Լեռնային Ղարաբաղում Ադրբեջանի կողմից իրականացված էթնիկ զտումը, ինչպես նաև ԱՄՆ նախագահ Ջո Բայդենի վարչակազմից պահանջել են պատասխանատվության ենթարկել Բաքվին։
«Արմենպրես»-ի փոխանցմամբ՝ միջոցառումը կազմակերպվել է Ամերիկայի հայ դատի հանձնախմբի, «Ի պաշտպանություն քրիստոնյաների», «Հանուն նահատակների» կազմակերպությունների համակարգմամբ։
Միջոցառմանը ելույթի ժամանակ ԱՄՆ ներկայացուցիչների պալատի անդամ Բրեդ Շերմանը երկրի կառավարությանը կոչ է արել հստակ քայլեր ձեռնարկել ԼՂ հայերի էթնիկ զտման համար Ադրբեջանի նախագահ Իլհամ Ալիևին պատասխանատվության ենթարկելու ուղղությամբ։
«Այժմ Ադրբեջանի հաջորդ նպատակը Հայաստանը նվաճելն է», - ասել է Շերմանը։
Կոնգրեսական Ֆրենկ Փալոնը ևս համոզմունք է հայտնել, որ Բաքվի հաջորդ թիրախը Հայաստանն է։
«Ես բացարձակապես որևէ կասկած չունեմ, որ այստեղ նպատակը ոչ միայն Արցախը, այլև Հայաստանը քարտեզից ջնջելն է։ Դա է նպատակը։ Ցանկացած ոք, ով այլ կերպ է մտածում, իմ կարծիքով՝ ինքնախաբեությամբ է զբաղվում», - ասել է Փալոնը։
Իսկ կոնգրեսական Քրիս Սմիթը նշել է, որ Ալիևը պետք է մարդկության դեմ հանցագործությունների համար կանգնի քրեական դատարանի առջև, իսկ ԱՄՆ-ն պետք է լուրջ պատժամիջոցներ սահմանի Ալիևի և նրա շրջապատի նկատմամբ։
Կոնգրեսական Ջոշ Գոթհայմերը շեշտել է, որ հարկավոր է ընդունել, որ Լեռնային Ղարաբաղում հայերը սպանվում և տեղահանվում են Ադրբեջանի ձեռքով, և ԱՄՆ-ն չպետք է մեղսակից լինի այդ ամենին։
Միջոցառմանը ելույթ են ունեցել նաև կոնգրեսականներ Ջիմ Կոստան, Լու Կոռեան, Հեյլի Սթիվենսը, նախկին կոնգրեսական Ֆրենկ Վուլֆը, Հայ դատի հանձնախմբի՝ կառավարական գործերի գծով տնօրեն Թերեզա Երիմյանը, ինչպես նաև տարբեր կազմակերպությունների ներկայացուցիչներ։ Նրանք բոլորն էլ դատապարտել են Ադրբեջանի կողմից Լեռնային Ղարաբաղի գրեթե 10-ամսյա շրջափակումը և դրան հաջորդած լայնածավալ հարձակումը, կոչ են արել դադարեցնել ռազմական աջակցությունն Ադրբեջանին և պատժամիջոցներ սահմանել Ալիևի նկատմամբ։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
