Ֆրանսիայից ստացված բժշկական պարագաները հնարավորություն կտան հոգալ ԼՂ-ից բռնի տեղահանված 250 ծանր վիրավորների կարիքները
Հայաստանի Հանրապետության առողջապահության նախարարի տեղակալ Լենա Նանուշյանը երախտագիտություն է հայտնել Ֆրանսիայի գործընկերներին՝ բժշկական պարագաներից և դեղերից բաղկացած մարդասիրական օգնություն Հայաստան ուղարկելու համար։
«Այսօր մենք այստեղ ենք՝ դիմավորելու Ֆրանսիայի կողմից Հայաստանի Հանրապետությանը նվիրված դեղորայքի ու բժշկական պարագաների բեռը։ Ուզում եմ երախտագիտություն հայտնել Ֆրանսիայի մեր գործընկերներին ու բարեկամներին, ովքեր օգնում են մեզ՝ այս դժվար օրերը հաղթահարելու և հիվանդներին անհրաժեշտ բժշկական պարագաներով ապահովելու հարցում»,- «Արմենպրես»-ի թղթակցի հաղորդմամբ՝ «Զվարթնոց» օդանավակայանում ընդունելով մարդասիրական բեռը՝ ասաց նախարարի տեղակալը։
Լենա Նունուշյանի հետ օդանավակայան էր մեկնել նաև Հայաստանում Ֆրանսիայի դեսպան Օլիվիե Դեկոտինին, ով իր խոսքում նկատեց, որ Ֆրանսիայից ստացված բժշկական պարագաները հնարավորություն կտան հոգալ 250 ծանր վիրավորների կարիքները։
«Ինչպես բոլորդ գիտեք, Լեռնային Ղարաբաղի 100 հազարավոր հայեր լքել են իրենց տներն ու հողերը։ Նրանք ստիպված են եղել հեռանալ։ Սա հումանիտար ողբերգություն է և շատ բարդ իրավիճակ։ Ֆրանսիան աջակցում է Հայաստանին և հայ ժողովրդին: Մենք հենց նոր Ֆրանսիայից ստացանք բժշկական պարագաներ, որոնք հնարավորություն կտան հոգալ 250 ծանր վիրավորների կարիքները, ինչպես նաև 40 բժշկական արկղ ՝ դեղորայքով և բժշկական սարքավորումներով։ Նման իրավիճակում, կարծում եմ, սա շատ կարևոր քայլ է»,- նշեց դեսպանը։
«Արմենպրես»-ն ավելի վաղ տեղեկացրել էր, որ Ֆրանսիան ԼՂ-ից բռնի տեղահանված քաղաքացիների համար 5 տոննա (բժշկական պարագաներ և դեղեր) մարդասիրական օգնություն է ուղարկել Հայաստան։)
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
