Եթե Հայաստանը ճանապարհը չբացի, այն անցնելու է Իրանի տարածքով. Էրդողանը՝ «Զանգեզուրի միջանցք»-ի մասին
Նախագահ Ռեջեփ Թայիփ Էրդողանը Ադրբեջանից վերադառնալուն պես ինքնաթիռում պատասխանել է լրագրողների հարցերին՝ անդրադառնալով նաև Զանգեզուրի և Լաչինի միջանցքներին:
«Զանգեզուրի միջանցքով Նախիջևանի և Ադրբեջանի այլ շրջանների հետ ճանապարհների և երկաթգծերի միջոցով ուղիղ կապերի հաստատումը կամրապնդի մեր հարաբերությունները։ Այս ամուր կապի շնորհիվ մենք հաջորդ ժամանակահատվածում մի քանի անգամ ավելի մեծ առաջընթացի կհասնենք, քան անցյալում, շատ առումներով։
Ուստի մենք ամեն ինչ անելու ենք, որ այս միջանցքը հնարավորինս շուտ բացվի»,- ասել է նա:
Նրա խոսքով՝ «Զանգեզուրի միջանցք»-ը շատ կարևոր է Թուրքիայի և Ադրբեջանի համար, այն ռազմավարական խնդիր է, որը պետք է ավարտին հասցվի. «Երբ այս միջանցքը բացվի, Բաքվից դուրս եկող մեքենան կամ գնացքը կարող են անմիջապես հասնել Կարս։ Թուրքիայի և Ադրբեջանի միջև եղբայրությունը շատ ավելի կամրապնդվի»:
Ըստ Թուրքիայի ղեկավարի՝ Իրանից էլ դրական ազդակներ են գալիս, ինչը նա հուսադրող է համարել:
«Մեր հույսն է այս վայրերը դարձնել խաղաղության միջանցք: Այս միջանցքը հնարավոր չէ պատկերացնել որպես պատերազմի վայր։ Մենք պետք է այս խնդիրը լուծենք առանց կռիվների և բախումների։ Եթե համարենք, որ սա երկաթուղային համակարգ է, ապա Թուրքիայից Նախիջևանով եկող գնացքը կանցնի Հայաստանով եւ կհասնի Ադրբեջան։
Ինչ վերաբերում է Հայաստանով անցնելուն, եթե Հայաստանն այս ճանապարհը չբացի, ապա ինչպե՞ս է անցնելու։ Այն անցնելու է Իրանի տարածքով։ Իրանը հիմա դրան դրական է նայում, և այդ պատճառով հնարավոր է Իրանի տարածքով Ադրբեջան անցնելու հնարավորություն լինի»,- ասել է նա:
Աղբյուր՝ armtimes.com
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
