Իրանը չի ձգտում միջուկային զենք ստեղծել. Ռայիսի
Իրանի կողմից ուրանի հարստացումը եվրոպական կողմի՝ 2015թ. միջուկային համաձայնագրի պարտավորությունները չկատարելու պատասխանն է։
Այս մասին CNN-ի հարցազրույցում հայտնել է ԻԻՀ նախագահ Էբրահիմ Ռայիսին։
«Սկզբում մենք չէինք ձգտում հասնել ուրանի 60 տոկոս հարստացման։ Նրանք (եվրոպական պետությունները) չկատարեցին իրենց պարտավորությունները»,- ասել է Իրանի նախագահը։ «Այն, ինչ արել է Իրանի Իսլամական Հանրապետությունը, (2015թ.) համաձայնագիրն ստորագրած կողմերի պարտավորությունների խախտման պատասխանն է»։
Իրանի Ատոմային էներգիայի կազմակերպության ղեկավար Մուհամադ Էսլամին հունիսին հայտարարել էր, որ ուրանի հարստացումը մինչեւ մաքրության նշված մակարդակը համապատասխանում է 2020թ. դեկտեմբերին խորհրդարանի ընդունած օրենքին՝ Պատժամիջոցներին դիմակայելու գործողությունների ռազմավարական պլանին։
Ռայիսին հերքել է մինչեւ այն մակարդակն ուրանի հարստացման գաղափարը, որը մոտ կլինի միջուկային զենքին։ Նա ասել է. «Պաշտոնապես հայտարարվել է, որ գործողությունները, որոնք մենք մտադիր ենք նախաձեռնել, ուղղված չեն ցանկացած տեսակի միջուկային զենքի ստեղծմանը։ Սա եվրոպացիների կողմից (համաձայնագրի) չկատարման պատասխանն է»։
Նա նաեւ հաստատել է Թեհրանի վաղեմի դիրքորոշումն այն հարցում, որ իսլամական հանրապետությունը չի նախատեսում միջուկային ռումբ ձեռք բերել։
Աղբյուր՝ news.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
