Կանադան Ադրբեջանին կոչ է արել դադարեցնել Լեռնային Ղարաբաղում ռազմական գործողությունները
Կանադան Ադրբեջանի կառավարությանը կոչ է արել անհապաղ դադարեցնել ռազմական գործողությունները Լեռնային Ղարաբաղում և զերծ մնալ խաղաղ բնակչության համար վտանգ ներկայացնող քայլերից։
«Արմենպրես»-ի փոխանցմամբ՝ այս մասին նշված է Կանադայի արտգործնախարար Մելանի Ջոլիի տարածած հայտարարությունում։
«Կանադան լրջորեն անհանգստացած է Ադրբեջանի պաշտպանության նախարարության հայտարարած ռազմական միջամտության հետևանքով Լեռնային Ղարաբաղում ռազմական էսկալացիայի և հումանիտար իրավիճակի վատթարացման առնչությամբ։ Կանադան կոչ է անում անհապաղ դադարեցնել ռազմական գործողությունները Լեռնային Ղարաբաղում՝ հետագա հումանիտար հետևանքներից խուսափելու համար», - նշված է հայտարարությունում։
«Մենք կոչ ենք անում Ադրբեջանի կառավարությանը զերծ մնալ ցանկացած գործողություններից, որոնք վտանգ են ներկայացնում Լեռնային Ղարաբաղի խաղաղ բնակչության անվտանգության և բարեկեցության համար, և բարեխղճություն դրսևորել՝ նպաստելու Լեռնային Ղարաբաղ մարդասիրական մատարակարումների վերականգնմանը՝ սննդամթերքի, դեղորայքի և այլ առաջին անհրաժեշտության ապրանքների առաքման համար, այդ թվում՝ Լաչինի միջանցքով», - հավելել է Կանադայի ԱԳՆ ղեկավարը։
Հայտարարությունում նաև ընդգծվում է հակամարտության խաղաղ կարգավորման, կողմերի միջև երկխոսության, ուժի չկիրառման և հակամարտության լուծման հարցում «տարածքային ամբողջականության և ինքնորոշման» կարևորությունը։
«Կանադան կշարունակի աշխատել իր գործընկերների հետ՝ մեղմելու այս անհիմն ռազմական գործողության ազդեցությունը խաղաղ բնակիչների վրա, որոնք արդեն իսկ տուժել են ամիսներ շարունակվող ապօրինի շրջափակումից, և գտնելու այս հակամարտության կայուն, բանակցային լուծում», - եզրափակել է Մելանի Ջոլին:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
