Ադրբեջանի պնդումները, թե Հայաստանը տորպեդահարում է խաղաղ բանակցությունները, կատարյալ սուտ են. Էդմոն Մարուքյան
Հայաստանի հատուկ հանձնարարություններով դեսպան Էդմոն Մարուքյանը կատարյալ սուտ է որակել Բաքվի այն պնդումները, թե Երևանը տորպեդահարում է խաղաղ բանակցությունները, իսկ հայկական զինված ուժերը զանգվածային ականապատում են իրականացնում Ադրբեջանի տարածքում։
«Արմենպրես»-ի հաղորդմամբ՝ ՏԱՍՍ-ին տված հարցազրույցում այս մասին ասել է Էդմոն Մարուքյանը՝ փաստելով, որ հայկական կողմը Ադրբեջանին է հանձնել ականապատ դաշտերի քարտեզները, ինչը վստահության քայլ էր։
«Ի պատասխան՝ Ադրբեջանը շարունակում է ռազմագերիների առևանգել Լաչինի միջանցքից և ՀՀ ինքնիշխան տարածքից, շարունակական կրակոցներ է արձակում, օգտագործում դիպուկահարներ, իրականացնում սադրանքներ և դիվերսիաներ Լեռնային Ղարաբաղում (այս համատեքստում է նաև հրադադարի ռեժիմի խախտումը և դրա հետևանքով ԼՂ պաշտպանության բանակի զինծառայողի վիրավորումը, որն արձանագրվել է նաև ռուսական խաղաղապահ զորախմբի կողմից): Այսպիսով, Ադրբեջանը շարունակում է խնդիրներ առաջացնել՝ կապված վստահության ստեղծման հետ՝ խոչընդոտելով նաև Ստեփանակերտի և Բաքվի միջև երկխոսությանը»,-ասել է Մարությանը՝ հավելելով, որ ՀՀ վարչապետը ձեռնարկել է հնարավոր և անհնարին բոլոր քայլերը խաղաղ գործընթացի նկատմամբ վստահության մակարդակը բարձրացնելու համար, որպեսզի համապարփակ և կայուն խաղաղություն կնքվի Ադրբեջանի հետ, ինչը, սակայն, շարունակական կերպով տորպեդահարվում է նրա կողմից։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
