Արցախի նախագահը խոստացել է, որ առաջիկա օրերին ադրբեջանցիների կողմից առևանգված արցախցիները կվերադարձվեն հայրենիք
Լուսադեմին ժամը 5-ին Ստեփանակերտում ավարտվեց դեռ երեկոյան 21-ից Արցախի նախագահ Արայիկ Հարությունյանի գլխավորությամբ մեկնարկած Խորհրդարանի նիստը։
Նիստից հետո ժողովրդի մոտ դուրս եկավ նախագահ Հարությունյանը և հավաստեց, որ երեկ Լաչինի միջանցքի ադրբեջանական անօրինական անցակետից առևանգված արցախցի երիտասարդները առաջիկա օրերին կվերադարձվեն Արցախ։
«Ես խոստանում եմ, որ առաջիկա օրերին նրանք կվերադարձվեն Արցախ, ես առավոտյան ժամը 9-ին տղաների ծնողներին հրավիրում եմ նախագահական, հենց իրենց մոտից կապ կհաստատվի տղաների հետ, որից հետո կասեն, թե որ կոնկրետ պաշտոնյան է նրանց բերելու Արցախ», – խոստացավ նախագահը։
Հաջորդ հարցը, որ քննարկվել է դա հումանիտար աղետը մեղմելու հարցն է։ Սակայն հավաքված ժողովուրդը ընդվզեց, որ հարցը պետք է գլոբալ լուծվի, այլ ոչ միայն հանապազօրյա հաց ապահովվի։
Նախագահը շեշտեց, որ ճանապարհը պետք է բացվի, միևնույն ժամանակ նա պնդեց. «Ճանապարհը պետք է բացվի, և կա մի ճանապարհ՝ Լաչինի միջանցքը, որևէ այլ ճանապարհ չկա»։ Այս հայտարարությունը ներկաները ընդունեցին ծափերով։
Հաջորդ հարցը, որ քննարկվել է նիստում՝ դա նախագահի հրաժարականի հարցն է։ Հարությունյանը հավաստեց, որ պատրաստ է ցանկացած ժամանակ հրաժարական տալ և գնալ շարքային արցախցու կողքին կանգնել խրամատում։ Նա ասաց, որ այդ հարցը վերջնական կլուծվի առաջիկա օրերին։
Աղբյուր՝ 1in.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
