Բունդեսթագի պատգամավորը Գերմանիայի կառավարությանը կոչ է արել մեծացնել ճնշումն Ադրբեջանի վրա
Գերմանա-հայկական ֆորումի նախագահ, Բունդեսթագի պատգամավոր Թիլ Մանսմանը, նկատի ունենալով Լեռնային Ղարաբաղում ստեղծված հումանիտար իրավիճակը, կոչ է արել Դաշնային կառավարությանը մեծացնել դիվանագիտական ճնշումն Ադրբեջանի կառավարության վրա։
Ինչպես տեղեկացնում է «Արմենպրես»-ը՝ վկայակոչելով Գերմանա-հայկական ֆորումի պաշտոնական կայքը, արտաքին գործերի դաշնային նախարար Աննալենա Բերբոքին ուղղված իր նամակում Մանսմանը նկարագրել է տագնապալի հումանիտար իրավիճակը և Լեռնային Ղարաբաղի լիակատար շրջափակումը։
«Մենք դրամատիկ հաղորդումներ ու նկարներ ենք ստանում թերսնված հղի կանանց ու երեխաների մասին, հերթեր հացաբուլկեղենի և սննդի տաղավարների առջև: 120 հազար հայեր ենթարկվել են հումանիտար աղետի և շտապ միջազգային օգնության կարիք ունեն»,- ասել է Մանսմանը։
Նա բարձր է գնահատել ԵՄ-ի ջանքերը՝ այս չափազանց բարդ հակամարտությունում կառուցողական դեր խաղալու առումով։ Նրա պնդմամբ՝ տեղում ԵՄ առաքելության ստեղծումը լավ գործիք է։ Դեռևս 2023 թվականի հունվարին Եվրախորհրդարանը հորդորել էր Ադրբեջանին կատարել 2020 թվականի նոյեմբերի 9-ի եռակողմ համաձայնագիրը և անհապաղ վերաբացել Լաչինի միջանցքը։
«Ժողովրդի անվտանգությունն ու տարրական կարիքները չպետք է դառնան քաղաքական շահերի խաղաքարտ։ Նկատի ունենալով ռուսական ագրեսիվ պատերազմում Ուկրաինային մեր աջակցությունը՝ մենք նույնպես պետք է հստակ դիրքորոշում ընդունենք այս հարցում և միանշանակ ցույց տանք, որ մեր հումանիզմը չունի քաղաքական կամ աշխարհագրական չափումներ։ Այդ իսկ պատճառով ես խնդրում եմ ձեզ մեծացնել դիվանագիտական ճնշումը Ադրբեջանի կառավարության վրա, որպեսզի ապահովվի շտապ անհրաժեշտ օգնության մատակարարումների անվտանգ և անարգել մուտքը՝ միջազգային մարդասիրական իրավունքի համաձայն: Բացի այդ, ես կխնդրեի ձեզ ուսումնասիրել Դաշնային կառավարության կողմից մարդասիրական օգնության հնարավորությունը: Մենք չենք կարող կարճաժամկետ լուծել այս հակամարտությունը, բայց մենք չպետք է թույլ տանք, որ սով լինի մեր աշխարհամասի սահմանագծին»,- ասել է Մանսմանը։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
