Պետք է թույլատրվի մարդասիրական այլ օգնության առաքումը դրա կարիքն ունեցող անձանց. ՄԱԿ-ի հունանիտար հարցերի գրասենյակը՝ Լաչինի միջանցքի մասին
Պետք է թույլատրվի մարդասիրական այլ օգնության առաքումը դրա կարիքն ունեցող անձանց: Կայուն լուծում պետք է գտնել, որպեսզի ապահովվի մարդկանց և ապրանքների կանոնավոր անցումը: Ես նաև հղում կանեի ՄԱԿ-ի գլխավոր քարտուղարի հայտարարությանը, որով նա նշել էր, որ մարդասիրական իրավիճակը տեղում վատթարանում է և կոչ էր արել քայլեր ձեռնարկել անցումն ապահովելու համար:
ՄԱԿ-ի Հումանիտար հարցերի գրասենյակի գործողությունների և շահերի պաշտպանության բաժնի ղեկավար Էդեն Վոսորնուն Հայաստանի խնդրանքով հրավիրված ՄԱԿ ԱԽ հրատապ նիստի մեկնարկին նշեց, որ գրասենյակն այժմ հնարավորություն չունի ճշտելու տեղեկությունները, որոնք վերաբերում են Լաչինի միջանցքով մարդկանց և ապրանքների ազատ տեղաշարժին:
Սակայն, ներկայացուցչի խոսքով, գրասենյակը ծանոթ է ընթացիկ հաղորդագրություններին, այդ թվում՝ պարենի և դեղորայքի անբավարարության մասին տեղեկություններին:
«Ընդհատված է էլեկտրամատակարարումը, ջրի մատակարարումը: Տեղյակ ենք նաև, որ առողջապահական ծառայությունները, բուժծառայությունները, այդ թվում՝ վիրահատությունները, ընդհատվել են: Մեր գրասենյակը մշտական կապի մեջ է ԿԽՄԿ հետ, որը մինչ օրս միակ միջազգային կազմակերպությունն է, որը գործում է այդ տարածքում: Կազմակերպության՝ հուլիսի 25-ի հայտարարության համաձայն, արդեն մի քանի շաբաթ հնարավոր չի եղել մարդասիրական օգնություն հասցնել այդ տարածք:
Թեպետ բժշկական տարհանումները շարունակվում են, ԿԽՄԿ-ն չի կարողացել բժշկական պարագաներ հասցնել տարածք՝ հուլիսի 7-ից ի վեր, պարենի առաքումները դադարել են հունիսի 14-ին: ԿԽՄԿ-ն ընդգծել է, որ պարենի և բժշկական պարագաների անբավարարություն կա:
Մարդասիրական իրավունքը հստակ է՝ կողմերը պարտավոր են թույլ տալ և ապահովել մարդասիրական օգնության արագ և անխոչընդոտ անցումը բոլոր քաղաքացիական անձանց համար, ովքեր դրա կարիքն ունեն: Կողմերը պարտավոր են ապահովել մարդասիրական օգնություն տրամադրող անձնակազմի տեղաշարժի ազատությունը:
Ուստի կարևոր է, որ ԿԽՄԿ մարդասիրական առաքումը հնարավոր լինի վերսկսել որևէ ուղիով: ԿԽՄԿ-ն անում է ամեն ինչ, սակայն որպես կազմակերպություն այն կարող է հոգալ միայն մարդասիրական կարիքները:
Պետք է թույլատրվի մարդասիրական այլ օգնության առաքումը դրա կարիքն ունեցող անձանց: Կայուն լուծում պետք է գտնել, որպեսզի ապահովվի մարդկանց և ապրանքների կանոնավոր անցումը: Ես նաև հղում կանեի ՄԱԿ-ի գլխավոր քարտուղարի հայտարարությանը, որով նա նշել էր, որ մարդասիրական իրավիճակը տեղում վատթարանում է և կոչ էր արել քայլեր ձեռնարկել անցումն ապահովելու համար:
Կողմերը պարտավոր են չխոչընդոտել և չքաղաքականացնել մարդասիրական որևէ գործունեություն: Մարդասիրական կարիքներին արձագանքելը չի նշանակում լեգիտիմացում կամ ճանաչում: Դա կողմնակալության դրսևորում չէ: Քաղաքական ազդեցության ենթակա չէ: Մեր գրասենյակը շարունակելու է աշխատել կողմերի հետ, որպեսզի ապահովվի մարդասիրական հասանելիությունը, որպեսզի բավարարվեն այս տարածքներում ապրող անձանց կենսական կարիքները:
ՄԱԿ-ի թիմերը Հայաստանում և Ադրբեջանում նույնպես բաց հաղորդակցության մեջ են այդ երկրների կառավարությունների հետ և լիովին պատրաստ են իրենցից կախված հնարավորն անել՝ մարդասիրական կարիքներին արձագանքելու համար»,- նշել է ՄԱԿ-ի Հումանիտար հարցերի գրասենյակի ներկայացուցիչը:
Աղբյուր՝ 1in.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
