Անհրաժեշտ ենք համարում ԼՂ-ում հումանիտար ճգնաժամին գտնել հրատապ լուծում․ ՄԱԿ-ի ԱԽ-ում Բրազիլիայի ներկայացուցիչ
Բրազիլիան մտահոգված է այն տեղեկություններով, որոնք վերաբերում են մարդասիրական վիճակի վատթարացմանը Լեռնային Ղարաբաղում։
Լեռնային Ղարաբաղում հումանիտար ճգնաժամի հարցով ՄԱԿ-ի անվտանգության խորհրդի արտահերթ նիստում այս մասին ասել է Բրազիլիայի ներկայացուցիչը։
«Առանձնակի մտահոգություն են պատճառում տեղեկություններն այն մասին, որ սույն թվականի հունիսից ճանապարհի փակ լինելու պատճառով իրավիճակն էլ ավելի է վատթարացել քաղաքացիական բնակչության, այդ թվում՝ խոցելի անձանց և ծանր հիվանդների համար։
Բրազիլիան վերահաստատում է, որ հանձնառու է հարգելու Հայաստանի և Ադրբեջանի ինքնիշխանությունը և տարածքային ամբողջականոթյունը՝ իրենց միջազգայնորեն ճանաչված սահմանների շրջանակում, սակայն սահմանների վերահսկողության խստացման ժամանակ պետք է անպայման հաշվի առնել մարդու իրավունքների հիմնարար սկզբունքները, որպեսզի կանխվի կամ սահմանափակվի անմեղ քաղաքացիներին պատճառվող տառապանքը»,- ընդգծել է ՄԱԿ ԱԽ-ում Բրազիլիայի ներկայացուցիչը։
Նրա խոսքով՝ ներկայիս իրավիճակի պահպանումն, անկախ դրա պատճառներից, սպառնում է հազարավոր մարդկանց կյանքին և բարօրությանը։
«Մենք անհրաժեշտ ենք համարում հրատապ լուծում գտնել ճգնաժամին, որը կարող է էլ ավելի վատթարանալ մոտակա ամիսներին։ Բրազիլիան հասկանում է, որ այս հակամարտությունը բարդ իրավիճակի հետևանքով է ծագել և մի քանի սերունդների պատմություն ունի։ Հազարավոր մարդկանց կյանքեր են կորսվել։
Մենք հավատում ենք, որ անհրաժեշտ է բռնության շրջանը ընդհատել, այդ թվում՝ նաև հրաժարվել որոշ ներգրավվող կողմերի ագրեսիվ հռետորաբանությունից, ամրապնդել վստահության միջոցառումները։
Բրազիլիան կոչ է անում պահպանել երկխոսության խողովակները կողմերի միջև, նաև՝ հրադադարի համաձայնության դրույթները։ 2020 թվականի նոյեմբերի 9-ի հայտարարությունը ճանապարհային քարտեզ կարող է լինել խաղաղաշինության համար։ Շատ կարևոր է, որպեսզի կողմերը հետևեն այն հանձնառություններին, որոնք այդ ժամանակ ստաձնել են, և շարունակեն աշխատել հակամարտության մնայուն լուծում գտնելու ուղղությամբ»,- ասել է ՄԱԿ ԱԽ-ում Բրազիլիայի ներկայացուցիչը։
Վերջում նա հավելել է, որ ՄԱԿ-ի ԱԽ խորհուրդը պետք է ավելի ուշադիր հետևի Լեռնային Ղարաբաղում տեղի ունեցող զարգացումներին և հնարավորինս աջակցելու պատրաստակամություն ցուցաբերի։
Աղբյուր՝ 1in.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
