«Ազատություն» ռադիոկայանի ադրբեջաներեն ծառայությունը պաշտոնանկ արված աշխատակազմին փոխարինել է Ադրբեջանի դիկտատուրայի հետ կապված լրագրողներով. Blankspot
Այն բանից հետո, երբ ադրբեջանցի լրագրող Թուրխան Քարիմովը հեռացվեց «Ազատ Եվրոպա/Ազատություն» ռադիոկայանի ադրբեջանական մասնաճյուղի թղթակցի պաշտոնից, աշխատանքի ընդունվեց Մամեդշարիֆ Ալախբարովը, որը մեղադրվում է ադրբեջանական ռեժիմի քարոզչություն տարածելու համար, նշում Blankspot կայքը։
Այն բանից հետո, երբ ադրբեջանցի լրագրող Թուրխան Քարիմովը հեռացվեց «Ազատ Եվրոպա/Ազատություն» ռադիոկայանի ադրբեջանական մասնաճյուղի թղթակցի պաշտոնից, աշխատանքի ընդունվեց Մամեդշարիֆ Ալախբարովը, որը մեղադրվում է ադրբեջանական ռեժիմի քարոզչություն տարածելու համար, նշում Blankspot կայքը։
Աղբյուրի համաձայն՝ վերջին 15 տարիներին նա աշխատել է որպես թղթակից և պրոդյուսեր ադրբեջանական ռեժիմի լրատվամիջոցներում, այդ թվում` CVC հեռուստաալիքում: Այնտեղ նա եղել է ֆիլմերի խմբագիր, որոնք փառաբանում են Լեռնային Ղարաբաղի պատերազմը և գովերգում նախագահ Իլհամ Ալիևին: Սոցիալական ցանցերում նա մշտապես աջակցել է բռնապետությանը:
Քարիմովի պաշտոնանկության կապակցությամբ հինգ նախկին լրագրող սոցիալական ցանցերի անձնական էջերում նկարագրել է մեդիա կազմակերպությունում տիրող խիստ խնդրահարույց աշխատանքային միջավայրը: Հրապարակումներում բացահայտվում են խմբագիրների, հատկապես՝ «Ազատության» ադրբեջանական ծառայության ղեկավար Իլքին Մամադովի հասցեին ուղղված մեղադրանքներ՝ ֆավորիտիզմի և ղեկավարության ավտորիտար աշխատաոճի վերաբերյալ։
«Լրագրողներ առանց սահմանների» կազմակերպությունը մամուլի ազատության ինդեքսում Ադրբեջանը ներառել է սև ցուցակում: Նշվում է, որ ոստիկանական բռնի միջոցներով լրագրողների մասնագիտական գործունեությունը խոչընդոտելու մասին հաղորդումները հազվադեպ չեն:
Ի թիվս այլոց, հայտնի լրագրող Արզու Գեյբուլան էլ Medium-ում ծավալուն գրառմամբ աջակցել է հետապնդվող լրագրողներին։ Գրառման մեջ նա խոսում է խմբագրական թիմի կողմից լրագրողների նկատմամբ համակարգված ոտնձգությունների մասին և մանրամասն տեղեկություններ տալիս՝ ընդգծելով, որ այդ խնդիրն անհայտ չի եղել։
Նա նաև ներառել է 2018 թվականի իր նամակը՝ ուղղված «Ազատություն» ռադիոկայանի սեփականատերերին՝ անդրադառնալով խմբագրական թիմի կառուցվածքային մարտահրավերներին: Քարիմովը և այլ լրագրողներ մատնանշել են աշխատավարձի շարունակական կրճատումները:
Հրապարակումներից հետո Ալախբարովը ջնջել է սոցիալական ցանցերի իր էջերը: Սակայն Blankspot-ը կարողացել է գտնել նրա նախկին գրառումները, որոնք վիրավորական արտահայտություններ են պարունակում Հայաստանի և Ֆրանսիայի հասցեին:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
