Այժմ առաջնահերթ խնդիրն է դադարեցնել, Ցեղասպանության հանցագործության նախազգուշացման և դրա համար պատժի մասին կոնվենցիայի II հոդվածի համաձայն, արդեն իսկ իրականացված ցեղասպանությունը՝ Լաչինի միջանցքը ապաշրջափակելու և սպանությունների միջոցով նոր ցեղասպանությունը կանխելու ճանապարհով։ Այս մասին Twitter-ում հայտնել է Միջազգային քրեական դատարանի նախկին դատախազ Լուիս Մորենո Օկամպոն՝ կրկին մեկնաբանելով իրավիճակը Լեռնային Ղարաբաղում։
Ավելի վաղ Օկամպոն հրապարակել էր իր եզրակացությունը՝ Լաչինի միջանցքի փակումը գնահատելով որպես Լեռնային Ղարաբաղի հայերի ցեղասպանություն։
Նոր գրառման մեջ ՄՔԴ նախկին դատախազը հիշեցրել է, որ Ցեղասպանության մասին կոնվենցիայի մասնակից 153 պետություններ պարտավորվել են կանխել ցեղասպանությունը և պատժել դրա համար։ Այդ երկրների թվում են այն պետությունները, որոնք հանդիսանում են ՄԱԿ-ի Անվտանգության խորհրդի մշտական անդամներ (Ռուսաստան, ԱՄՆ, Ֆրանսիա)։
Այս համատեքստում նա նշել է, որ Հայաստանը դիմել է ՄԱԿ-ի Անվտանգության խորհրդին՝ Լեռնային Ղարաբաղում տիրող իրավիճակի վերաբերյալ արտակարգ նիստ անցկացնելու խնդրանքով։