Իռլանդիայի ԱԳ նախարարը վերահաստատել է Լաչինի միջանցքն անհապաղ բացելու ԵՄ-ի կոչը
Հայաստանի արտաքին գործերի նախարար Արարատ Միրզոյանը հեռախոսազրույց է ունեցել Իռլանդիայի արտաքին գործերի նախարար Միհել Մարտինի հետ։
«Արմենպրես»-ի հաղորդմամբ՝ այս մասին Միրզոյանը գրել է X-ի (նախկին «Թվիթեր») իր միկրոբլոգում։
«Բարձր գնահատելով միջազգային գործընկերների սկզբունքային դիրքորոշումը, որը հնչեցվել է, այդ թվում՝ ՄԱԿ-ում, կարևորվել է Լաչինի միջանցքով անարգել տեղաշարժի վերականգնմանն ու Կարմիր Խաչի միջազգային կոմիտեի նման կազմակերպության լիարժեք աշխատանքին ուղղված հետևողական ջանքերը Լեռնային Ղարաբաղում: Անդրադարձ է կատարվել Հայաստան-ԵՄ համագործակցության թեմային»,- գրել է Միրզոյանը։
Անդրադառնալով Արարատ Միրզոյանի հետ հեռախոսազրույցի ընթացքում քննարկված թեմաներին՝ Իռլանդիայի ԱԳ նախարարն իր հերթին X-ի իր միկրոբլոգում գրել է, որ կարևոր զրույց է ունեցել ՀՀ ԱԳ նախարար Արարատ Միրզոյանի հետ Լեռնային Ղարաբաղի հումանիտար իրավիճակի վերաբերյալ, որի ընթացքում վերահաստատվել է ԵՄ-ի կոչը Լաչինի միջանցքը անհապաղ վերաբացելու և ԿԽՄԿ-ի օգնության հասանելիությունը ապահովելու մասին։
«Իռլանդիան կոչ է անում բոլորին մասնակցել համապարփակ կայուն խաղաղության բանակցություններին»,- գրել է Մարտինը։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
