ԱԹՍ-ների նոր գրոհ Մոսկվայում. «Վնուկովո»-ն և «Դոմոդեդովո»-ն հայտնել են ինքնաթիռների ընդունման և թռիչքների սահմանափակումների մասին
Ռուսաստանի ՀՕՊ ուժերը օգոստոսի լույս 10-ի գիշերը խոցել են երկու հարվածային անօդաչու, որոնք թռչում էին Մոսկվայի ուղղությամբ։
Ռուսաստանի ՀՕՊ ուժերը օգոստոսի լույս 10-ի գիշերը խոցել են երկու հարվածային անօդաչու, որոնք թռչում էին Մոսկվայի ուղղությամբ։ Այս մասին հայտարարել է ՌԴ մայրաքաղաքի քաղաքապետ Սերգեյ Սոբյանինը։
Նրա խոսքով՝ անօդաչուները խոցվել են առավոտյան ժամը մոտավորապես չորսին, մեկը՝ Կալուգայի շրջանում, մյուսը՝ Կենտրոնական օղակաձև ճանապարհի տարածքում։ Այլ մանրամասներ նա չի հայտնել։
Ռուսաստանի պաշտպանության նախարարությունը ևս հայտարարել է անօդաչուների օգնությամբ «Կիևի ռեժիմի կողմից ահաբեկչական հարձակումներ իրականացնելու փորձը կանխելու մասին»։ Գերատեսչությունը հայտարարել է Մոսկվայի ուղղությամբ թռչող երկու անօդաչուների ոչնչացման մասին։
Մոսկվայի «Վնուկովո» և «Դոմոդեդովո» օդանավակայանները օգոստոսի լույս 10-ի գիշերը սահմանափակումներ են մտցրել ինքնաթիռների ընդունման և թռիչքների համար: «Վնուկովո»-ի մամուլի ծառայությունից ռուսական լրատվամիջոցներին հայտնել են, որ «օդանավակայանից անկախ պատճառներով» 02:43-ից 05:15-ը սահմանվել են ինքնաթիռների ընդունման և թռիչքի սահմանափակումներ։ «Դոմոդեդովո»-ն հայտնել է, որ սահմանափակումները մտցվել են «թռիչքների անվտանգության լրացուցիչ միջոցներ ապահովելու նպատակով»։
Baza Telegram-ալիքը գրել է, որ «Վնուկովո» օդանավակայանում գիշերային ժամերին ներդրվել է «Կովյոր» պլանը, որը կիրառվում է, մասնավորապես, երբ օդային տարածքում հայտնվում են ինքնաթիռներ և «այլ նյութական օբյեկտներ», ինչպես նաև ՌԴ ԶՈՒ-ի կողմից զենքեր ու զինտեխնիկա կիրառելիս:
Օգոստոսի լույս 10-ի գիշերը հրդեհ և պայթյուններ են գրանցվել նաև մերձմոսկովյան «Դոմոդեդովո»-ում։ ԱԻՆ տարածաշրջանային վարչության մամուլի ծառայությունից հայտնել են, որ Կոնստանտինովո գյուղում այրվում է ավտոծառայություն, հրդեհի մակերեսը 1000 քմ է։ Գերատեսչությունը չի նշել հրդեհի պատճառները։ BBC-ն նշում է, որ «Դոմոդեդովո» օդանավակայանն այս վայրից մոտ 10 կիլոմետր հեռավորության վրա է։
ՌԴ ՊՆ-ն նաև հաստատում է, որ երեկ երեկոյան ուկրաինական 11 անօդաչու թռչող սարքեր փորձել են գրոհել Սևաստոպոլը, սակայն վնասազերծվել են։ «Սևաստոպոլ քաղաքի մոտակայքում 2 ԱԹՍ խոցվել է ՀՕՊ հերթապահ միջոցներով, ևս 9-ը՝ ռադիոէլեկտրոնային պայքարի միջոցներով, և առանց թիրախին հասնելու՝ կործանվել են Սև ծովի ջրերում»,- ասվում է հաղորդագրության մեջ։
Գերատեսչությունից հավելել են, որ տուժածներ և ավերածություններ չկան։
Աղբյուր՝ civic.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
