Թուրքիայի Դերինջե նավահանգստի մերձակայքում պայթյուն է որոտացել
Թուրքիայի արևմուտքում գտնվող Մարմարա ծովի Դերինջե խոշոր առևտրային նավահանգստի մերձակայքում պայթյուն է որոտացել։
Դեպքի հետևանքով կա 4 վիրավոր, որոնց վիճակը կայուն է։ Այս մասին «Արմենպրես»-ը տեղեկանում է «РИА Новости» գործակալությունից։
Նշվում է, որ թուրքական ԶԼՄ-ների տվյալներով՝ միջադեպը տեղի է ունեցել տեղի ժամանակով 14:40-ի սահմաններում (Երևանի ժամանակով 15:40-ի) Ստամբուլից դեպի արևելք ընկած Քոջայելիի նահանգում։ Պայթյունը զգացվել է հարևան Գյոլջուկ քաղաքում։
Ինչպես պնդում է CNN Turk հեռուստաալիքը, պայթյունը տեղի է ունեցել էլևատորներից մեկում, ենթադրաբար, նավը հացահատիկով բեռնելու ժամանակ։
«Էլևատորները պարբերաբար ստուգվել են, իշխանություններն առայժմ չեն հայտնել՝ արդյոք պայթյունը կարող էր տեղի ունենալ գազի սեղմման պատճառով», - հայտարարել է հեռուստաալիքի թղթակիցը։
Քաղաքապետը հաստատել է, որ պայթյունի հետևանքով վնասվել են մի քանի էլևատորներ, այժմ դրանք ազատում են հացահատիկից։ Նրա խոսքով՝ նավահանգստի կոնտեյներային հատվածը չի տուժել։
Safiport նավահանգստի օպերատոր ընկերությունում «РИА Новости»-ի աղբյուրի խոսքով՝ միջադեպը չի ազդել նավահանգստի աշխատանքի վրա։
«Պայթյունը տեղի է ունեցել նավահանգստի հարևանությամբ, այստեղ ոչինչ չի եղել՝ ո՛չ պայթյուն, ո՛չ հրդեհ», - ասել է գործակալության զրուցակիցը։
Նա նավահանգստում իրադրությունը համարել է նորմալ:
Նշվում է նաև, որ պայթյունից հետո ծխի քուլաները տեսանելի են քաղաքի տարբեր հատվածներից, դեպքի վայրում են հրշեջներն ու շտապօգնության ծառայությունները, ինչպես նաև հակաահաբեկչական ջոկատները։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
