Ավարտվել է Երևան-Երասխ-Գորիս-Մեղրի-Իրանի սահման ճանապարհահատվածի հիմնանորոգումը
«Ճանապարհային դեպարտամենտ» հիմնադրամից տեղեկացնում են, որ ավարտվել է Մ-2, Երևան-Երասխ-Գորիս-Մեղրի-Իրանի սահման կմ53+150-կմ65+350 հատվածի հիմնանորոգումը։
«Ճանապարհային դեպարտամենտ» հիմնադրամից տեղեկացնում են, որ ավարտվել է Մ-2, Երևան-Երասխ-Գորիս-Մեղրի-Իրանի սահման կմ53+150-կմ65+350 հատվածի հիմնանորոգումը։ 12.2կմ երկարությամբ ճանապարհը, որ սկսվում է Արարատի տրանսպորտային հանգույցից և հասնում մինչև Երասխի խաչմերուկ, հիմնանորոգել է «Արարատ Ճանշին» ՍՊԸ-ն։
ՀՀ տարածքային կառավարման և ենթակառուցվածքների նախարարի հրամանով ստեղծված ավարտված շինարարական օբյեկտը շահագործման ընդունող հանձնաժողովի անդամներն այսօր այցելել են նշված ճանապարհահատված և ուսումնասիրել կատարված աշխատանքները։
Շինաշխատանքների տեխնիկական հսկողությունն իրականացնող «Արմստրոյ» ՍՊԸ-ի ներկայացուցիչ Աշոտ Մամիկոնյանը կատարված աշխատանքների որակը բարձր է գնահատում։ Պարոն Մամիկոնյանը նշում է, որ հիմնանորոգումը կատարվել է ինտենսիվ երթևեկության պայմաններում, ինչը մեծ դժվարություններ է առաջացրել աշխատանքների ընթացքում, սակայն շինարարը կարողացել է հաղթահարել բոլոր դժվարությունները։ Եղել են նաև որոշ խնդիրներ, որոնց աշխատանքային կարգով տրվել են համապատասխան լուծումներ, և արդյունքում այսօր ունենք բարեկարգ ճանապարհահատված։ Տեխհսկողը նկատում է, որ նման ճանապարհը կարող է մինչև 16 տարի ծառայել, եթե ընթացքում այն լավ սպասարկվի և երթևեկող ծանրաքաշ մեքենաները բեռնված լինեն սահմանված չափով։
Ճանապարհի հիմնանորոգման ընթացքում քանդվել է ծածկը, կառուցվել է նոր հիմք, տեղադրվել է եռաշերտ նոր ասֆալտբետոնե ծածկ։ Բնակավայրերի տարածքներով անցնող հատվածներում կառուցվել են մայթեր, բնակավայրերում ճանապարհի երթևեկելի մասում տեղակայվել են նաև բազմաթիվ աղմկոտ գոտիներ, որոնք վիբրացիա առաջացնելու հետևանքով ստիպում են վարորդներին նվազեցնել երթևեկության արագությունը և բարձրացնել ուշադրությունը։ Ճանապարհը կահավորվել է անվտանգության տարրերով, գծանշումը կատարվել է թերմոպլաստ նյութով։ Նորոգվել են նաև ճանապարհին առկա ուղեանցն ու փոքր կամուրջները։
Արարատ համայնքի ղեկավարի տեղակալ Արմեն Բաղդասարյանը ևս ընդգծում է կատարված աշխատանքների բարձր որակը։ Պարոն Բաղդասարյանը նկատում է, որ իրենց համայնքում այսօր մեծ խնդիր է գերբեռնված բեռնատարների երթևեկը, ինչը վնաս է հասնում ճանապարհներին։
Հիմնանորոգումը կատարվել է ՀՀ պետական բյուջեի միջոցներով։
Աղբյուր՝ 1in.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
