Հումանիտար բեռնատարները Կոռնիձորի սահմանային հատվածում կմնան, մինչև ՌԴ խաղաղապահները արձագանքեն․ Վարդան Սարգսյան
Լեռնային Ղարաբաղում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը նշել է, որ դեպի Լեռնային Ղարաբաղ ուղևորվող հումանիտար բեռնատարները Կոռնիձորի սահմանային հատվածում կմնան, մինչև ՌԴ խաղաղապահներից արձագանք ստացվի։
«Արմենպրես»-ի հետ հարցազրույցում Սարգսյանը հայտնեց` բեռնատարները ներկայիս հատվածում կմնան այնքան, մինչև որոշակի պատասխան կստանան, որ որոշվեն հաջորդ քայլերը: Արդեն իսկ դիմել են խաղաղապահներին, որ կազմակերպվի հումանիտար բեռների տեղափոխումը դեպի ԼՂ. «Մենք կապ ենք հաստատել ՌԴ խաղաղապահ ուժերի ներկայացուցիչների հետ, որպեսզի կազմակերպվի հումանիտար բեռների տեղափոխումը Լեռնային Ղարաբաղ, այս պահին դեռ չունենք հստակ արձագանք. սպասում ենք պատասխանի: Լրացուցիչ զարգացումների դեպքում արդեն հավելյալ կտեղեկացնենք»:
ՀՀ աշխատանքի և սոցիալական հարցերի փոխնախարար Աննա Ժամակոչյանը «Արմենպրես»-ի հետ զրույցում նշեց, որ ՀՀ փոխվարչապետի գլխավորությամբ գործող աշխատանքային խմբի օգնությամբ կարևորվել և որոշվել է առաջին անհրաժեշտության պարենային մթերք և դեղորայք տեղափոխել Լեռնային Ղարաբաղ՝ հաշվի առնելով այն հումանիտար ճգնաժամը, որը ստեղծվել է։
«Մասնավորապես, գիտենք, որ դեկտեմբերի 12-ից արգելափակված է Լաչինի միջանցքը և առօրյա պարենային և սպառման ապրանքների հոսքը կասեցված է։ Ճիշտ է, մինչև այս տարվա 2023 թվականի հունիսի 15-ը որոշակի փոքրիկ խմբաքանակներ հասնում էին Լեռնային Ղարաբաղ, բայց հունիսի 15-ից հետո հոսքն ամբողջությամբ դադարել էր»,- նշեց նա։
Աննա Ժամկոչյանը հավելեց, որ ՀՀ կառավարությունը խիստ կարևորվում է առաջին անհրաժեշտության պարենային մթերքների վայրկյան առաջ Լեռնային Ղարաբաղ հասնելը։
ՀՀ առողջապահության փոխնախարար Արմեն Նազարյանն ընդգծեց, որ ԼՂ տեղափոխվող հումանիտար բեռների կազմում կա մեծ ծավալի դեղորայք , սակայն այն որոշակի չափով է աջակցելու ԼՂ առողջապահական համակարգի ներկա վիճակին:
«ԼՂ առողջապահական համակարգում ունենք խիստ ծանրաբեռնված, նույնիսկ աղետալի վիճակ, սպառման եզրին են գրեթե բոլոր տեսակի դեղամիջոցները, ունենք մեծ թվով ծանր հիվանդներ, որոնք երևանյան կլինիկաներ տեղափոխման կարիք ունեն։ Վերջին շրջանում հիվանդների տեղափոխումը ևս դադարեցված էր, վերջին երկու օրերին եղել է, բայց դա խիստ ուշացած էին»,- նշեց նա
Նազարյանի խոսքով` դեղորայքի ծավալը կազմում է մոտ 9 տոննա, կա նաև մասնավոր առողջապահական կազմակերպության կողմից որպես նվիրաբերություն փոխանցվող մեկ տոննա դեղորայք, որի մեջ ներառված է շուրջ 200 անվանում։
Ըստ նրա՝ այս ամենը ոչ թե լուծելու է Լեռնային Ղարաբաղում ստեղծված իրավիճակը, այլ որոշակի թոթափելու է բեռը, քանի որ այն ծավալը և ռեսուրսը, ինչը անհրաժեշտ է լինում Լեռնային Ղարաբաղի առողջապահական համակարգի համար, շատ ավելի մեծ ծավալ է կազմում, քան որ այսօր հնարավոր է ուղարկել։
Մանվել Մարգարյան
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
