Իրանի արտաքին գործերի քաղաքական հարցերով տեղակալ՝  Ալի Բաղերի Քանին, ով գտնվում է Վարշավայում՝ իր լեհ գործընկերոջ հետ քաղաքական խորհրդակցությունների նոր փուլ անցկացնելու նպատակով, հանդիպել է Լեհաստանում բնակվող մի շարք օտարերկրյա դեսպանների և դիվանագետների հետ:

Այս հանդիպմանը  ԱԳ նախարարի քաղաքական հարցերով տեղակալը, անդրադառնալով Իրանի Իսլամական Հանրապետության կառավարության ռազմավարական հարեւանության քաղաքականության արդյունավետությանը, ասել է,-««Քաղաքական փոխվստահությունը»,«Խնդիրների լուծման համար տարածաշրջանի հնարավորություններին ապավինելը», «Զարգացման և առաջընթացի համար արտատարածաշրջանային հնարավորություններից օգտվելը» և վերջապես, «տնտեսական կապերի ամրապնդումը» հարևանության քաղաքականության կարևորագույն բաղադրիչներից են»։

Անդրադառնալով Իրանի և Սաուդյան Արաբիայի հարաբերությունների  վերականգնմանը՝ Բաղերի Քանին հավելել է. -«Թեհրանի և Ռիադի ռազմավարական նախաձեռնությունը ցույց տվեց, որ տարածաշրջանի երկրներն ունեն անհրաժեշտ քաղաքական հասունություն՝ տարածաշրջանում առկա խնդիրները լուծելու համար»։

Արտաքին գործերի քաղաքական հարցերով տեղակալը նշելով,որ  բոլոր քաղաքական դերակատարները ողջունեցին  Իրանի և Սաուդյան Արաբիայի միջև ձեռք բերված համաձայնությունը, ասել է,-«Միայն Իսրայելին մտահոգեց Թեհրան-Ռիադ փոխգործակցությունը, և նա նույնիսկ չկարողացավ թաքցնել իր անհանգստությունը, քանի որ  այս ռեժիմի բնույթը հիմնված է լարվածության և անկայունության  վրա, և հանդիսանում է տարածաշրջանում անապահովության և քաոսի միակ պատճառը»։