Բայդենն Էրդողանին հայտնել է, որ Թուրքիային F-16-երի մատակարարումը բխում է ԱՄՆ-ի շահերից
ԱՄՆ նախագահ Ջո Բայդենը հուլիսի 9-ին Թուրքիայի նախագահ Ռեջեփ Թայիփ Էրդողանի հետ հեռախոսազրույցում ասել է, որ ԱՄՆ-ի կողմից Թուրքիային F-16 կործանիչների մատակարարումը բխում է ամերիկյան շահերից։
Ինչպես հաղորդում է «Արմենպրես»-ը, այս մասին Բայդենի ինքնաթիռում՝ Մեծ Բրիտանիա ուղևորվելիս, լրագրողների հետ զրույցում հայտարարել է ԱՄՆ նախագահի՝ ազգային անվտանգության հարցերով խորհրդական Ջեյք Սալիվանը։
Ըստ պաշտոնյայի՝ Բայդենը վերահաստատել է Թուրքիային F-16-եր մատակարարելու գործընթացին իր աջակցությունը։
«Նախագահ Բայդենը հետևողական կերպով հստակ ասել է, որ իր համոզմամբ՝ Դաշինքի և ԱՄՆ-Թուրքիա երկկողմ հարաբերությունների համար այս վաճառքն առաջ տանելն իմաստ ունի, բխում է մեր շահերից», - նշել է Սալիվանը։
Սալիվանը նաև հայտնել է, որ երկու երկրների ղեկավարները քննարկել են Կիևին տրամադրվող ռազմական օգնությունը և պայմանավորվել են հանդիպել ՆԱՏՕ-ի գագաթնաժողովի շրջանակներում, որը տեղի կունենա հուլիսի 11-12-ը Վիլնյուսում: Կողմերը նաև քննարկել են ՆԱՏՕ-ին Շվեդիայի անդամակցության հարցը։
Բայդենն Էրդողանին հայտնել է, որ կցանկանար հնարավորինս շուտ Շվեդիային ողջունել ՆԱՏՕ-ում։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
