Հայաստանը առաջ է շարժվում, ունի ազատ մամուլ, խոսքի ազատություն, մենք ընդհանուր շահեր ունենք. ՀՀ-ում ԱՄՆ դեսպան
«Միացյալ նահանգները համարում է, որ ցանկացած քննարկում, բանակցություն, խոսակցություն առաջընթացի ճիշտ ուղի է, և մնում է օգնել, որ երկու կողմերին մտահոգող հարցերը լիովին ընկալվեն, և երկու կողմերը կարողանան գտնել ապագայի ճանապարհը՝ հասնելու խաղաղության կարգավորմանը, որով երաշխավորված և ապահովված կլինեն ԼՂ բնակչության անվտանգությունն ու իրավունքները»:
Հնարավո՞ր է Բաքու-Ստեփանակերտ երկխոսություն կազմակերպել:
Այս մասին «Լուրեր»-ի եթերում՝ ԱՄՆ-ը հաստատակամ է ԼՂ-ում ապրողների իրավունքների և անվտանգության ապահովման հարցում թեմայով Պետրոս Ղազարյանի հետ հարցազրույցի ժամանակ խոսել է ՀՀ-ում ԱՄՆ արտակարգ և լիազոր դեսպան Քրիստինա Քվինը։
«Միացյալ նահանգները համարում է, որ ցանկացած քննարկում, բանակցություն, խոսակցություն առաջընթացի ճիշտ ուղի է, և մնում է օգնել, որ երկու կողմերին մտահոգող հարցերը լիովին ընկալվեն, և երկու կողմերը կարողանան գտնել ապագայի ճանապարհը՝ հասնելու խաղաղության կարգավորմանը, որով երաշխավորված և ապահովված կլինեն ԼՂ բնակչության անվտանգությունն ու իրավունքները»,- նշել է նա։
Հարցին՝ ԱՄՆ-ն, օգնելով բանակցություններին, նպատակ ունի՞ տարածաշրջանից Ռուսաստանին դուրս թողնել, դեսպանը շեշտել է․ «ԱՄՆ-ն համարում է, որ ՀՀ-ն՝ որպես ինքնիշխան պետություն, կարող է որոշել, թե ովքեր են իր դաշնակիցները, իր գործընկերները և ինչպես են շարժվելու երկիրը առաջ տանելու աշխարհում և տարածաշրջանում։ Ի՞նչ է ցանկանում ԱՄՆ-ն․ խաղաղություն Հարավային Կովկասում և Եվրոպայում։
Մենք պատրաստ ենք խոսել ցանկացած կողմի հետ, որը կարող է դրական տեսլական ներկայացնել տարածաշրջանին խաղաղություն բերելու համար։ ԱՄՆ-ն շատ ակտիվորեն ներգրավված է, բայց նաև Եվրամիությունն է ակտիվ, քանի որ երկու կողմերն էլ տեսնում են, որ Հարավային Կովկասում խաղաղություն ունենալը շահեկան է»:
ԱՄՆ դեսպանը նկատել է՝ ինքը, լինելով Հայաստանում ԱՄՆ դեսպան, տեսնում է, որ ԱՄՆ-ն և Հայաստանը կարևոր շահեր ունեն:
«Մենք և դուք ընդհանուր ժողովրդավարական շահեր ունենք, հետամուտ ենք ընդհանուր ժողովրդավարական գործընթացներին։ Մենք տեսնում ենք, որ Հայաստանը պայծառ կետ է տարածաշրջանում ժողովրդավարության իմաստով։ ՀՀ-ն առաջ է շարժվում բարեփոխումների առումով, ունի ազատ մամուլ, խոսքի ազատություն, շարժվում է առաջ՝ բարելավումներ կատարելով ամեն օր։ Մենք ուզում ենք սատարել այդ ամեն ինչին, որովհետև հավատում ենք ժողովրդավարությանը։ ԱՄՆ-ն հավատում է, որ ժողովրդավարական երկրներն են ամենակայուն երկրները, և դրանք են այն երկրները, որոնք միջազգային հարաբերություններում լավագույնն են հարաբերվում այլ երկրների հետ»,- ասել է նա:
Աղբյուր՝ armtimes.com
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
