Դատախազության անկախությունը շատ կարևոր է. ԵՄ դեսպան
Հայաստանում Եվրամիության պատվիրակության ղեկավար, դեսպան Անդրեա Վիկտորինը կարևորում է դատախազության անկախությունը և պատասխանատվությունը դատական, դատաիրավական բարեփոխումների գործընթացում:
«Արմենպրես»-ի փոխանցմամբ՝ դեսպանն այս մասին նշեց Հայաստանի Հանրապետության դատախազության հիմնադրման 105-ամյակին նվիրված «Դատախազության անկախությունը՝ որպես իրավունքի գերակայության երաշխավոր» թեմայով բարձր մակարդակի համաժողովում:
ԵՄ դեսպանը նաև շնորհավորեց գլխավոր դատախազին, ներկաներին:
«Կարծում եմ՝ մենք հասկանում ենք, որ դատախազական անկախությունը և պատասխանատվությունը շատ կարևոր են դատական, դատաիրավական բարեփոխումների ձևավորման գործընթացում»,-ասաց Վիկտորինը՝ ևս մեկ անգամ ընդգծելով, որ Դատախազության անկախությունը շատ կարևոր է, ինքնանպատակ չէ:
Այդ անկախության նպատակն է՝ ապահովել այնպիսի պայմաններ, որ դատախազը կարողանա ճիշտ որոշում կայացնել՝ առանց վախի: Վիկտորինը շեշտեց՝ դատախազը վճռորոշ դեր է խաղում արդարադատության իրականացման գործում:
«ԵՄ-ն աջակցում է Հայաստանում ժողովրդավարական կառավարման բարեփոխումներին, օրենքի գերակայությանը, մարդու իրավունքների և հիմնարար ազատությունների խթանմանը և պաշտպանությանը, ինչպես նաև ժողովրդավարության և ժողովրդավարական արժեքների ամրապնդմանը: Մենք էականորեն նպաստել ենք արդարադատության և հակակոռուպցիոն ոլորտում բարեփոխումների իրականացմանը՝ հասանելի դարձնելով կարճաժամկետ և երկարաժամկետ աջակցություն՝ այդ թվում ընթացիկ երկկողմ ծրագրերը»,-ասաց Վիկտորինը:
Նա նշեց ԵՄ-ի և Եվրոպայի խորհրդի կողմից իրականացվող «Գործընկերություն հանուն լավ կառավարման» ծրագրի մասին՝ որպես Հայաստանի արդարադատության ոլորտին կարևոր աջակցություն: ԵՄ դեսպանը շնորհակալություն հայտնեց Երևանում Եվրոպայի խորհրդի գրասենյակի ղեկավար Մարտինա Շմիդտին՝ հիանալի համագործակցության համար:
ԵՄ դեսպանը նշեց նաև Հայաստանում վերջին տարիներին գործադրվող ջանքերի մասին՝ ժողովրդավարական գործընթացների համար: «Գովելի է, որ քաղաքական ղեկավարությունը հավատարիմ է՝ շարունակելու բարեփոխումների հավակնոտ օրակարգը համապարփակ և ընդգրկուն ձևով»,-նշեց Վիկտորինը:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
