«Նրանք գիտեն՝ ինչ անել իրենց պաշտպանելու համար։ Ադրբեջանական արտադրության Istigal IST-14.5 դիպուկահար հրացանը մոտ 3000 մետր հեռահարությամբ է կրակում։ Տղանե՛ր, հեռու մնացեք Ադրբեջանի պետական սահմանից․․․»,- գրել է ադրբեջանցի դեսպանը և տեղադրել դիպուկահար հրացանի լուսանկարը։

Լուազոն այդ գրառումը որպես անմիջական սպառնալիք է որակել եվրոպացի դիտորդներին, որոնք պարեկություն են իրականացնում հայ-ադրբեջանական սահմանին: Թվիթերի իր միկրոբլոգում նա գրել է.

«Արդյոք սա սպառնալի՞ք է Եվրախորհրդարանի պատգամավորներին։ Դա իսկապե՞ս ադրբեջանցի «դիվանագետն» է ասում։ Ի՞նչ մակարդակի է հասել ադրբեջանական դիվանագիտությունը։ Միջազգային դատարանի որոշման նկատմամբ անհարգալից վերաբերմունք դրսևորելն ու 120.000 մարդու պատանդ վերցնելը հպարտանալու բան չեն։ Դա է պատճառը, որ ձեր նյարդերը տեղի են տալիս: Մեզ՝ հզոր արժեքներ ունեցող եվրոպացիների վրա դա տպավորություն չի թողնում։ Մենք շարունակելու ենք սատարել խաղաղությունն ու Լեռնային Ղարաբաղի ժողովրդի հանդեպ հարգանքը»։

Հայաստան կատարած այցի ընթացքում  Լուազոն հանդիպել է նաև դեպի Լաչինի միջանցքի մուտքը պարեկություն իրականացնող ԵՄ ներկայացուցիչների հետ, որից հետո հաստատել է Ադրբեջանի կողմից Լաչինի միջանցքի ամբողջական և ապօրինի արգելափակումը։