ԱՄՆ-ն Ուկրաինային 500 միլիոն դոլարի ռազմական օգնության նոր փաթեթ կտրամադրի
ԵՐԵՎԱՆ, 27 ՀՈւՆԻՍԻ, ԱՐՄԵՆՊՐԵՍ: Միացյալ Նահանգները պլանավորում է Ուկրաինային ուղարկել մինչև 500 միլիոն դոլար գումարի ռազմական օգնություն, այդ թվում՝ ավելի քան 50 միավոր ծանր զրահատեխնիկա և հրթիռներ հակաօդային պաշտպանության համակարգերի համար: «Արմենպրես»-ի փոխանցմամբ՝ այս մասին հաղորդում է Associated Press գործակալությունը:
Ըստ գործակալության աղբյուրների՝ Վաշինգտոնը Կիև կուղարկի 30 Bradley մարտական մեքենա և 25 Stryker զրահամեքենա, ինչպես նաև արկեր HIMARS համազարկային կրակի ռեակտիվ համակարգի և Patriot հակաօդային պաշտպանության համակարգերի համար։
Բացի այդ, մատակարարման համակազմի մեջ կմտնեն Javelin հրթիռներ և HARM մեծ արագության հակառադիոտեղորոշիչ հրթիռներ, պայթուցիկ զինամթերք, խոչընդոտները մաքրելու սարքավորումներ, ինչպես նաև հրետանային արկերի և այլ զինամթերքի լայն տեսականի:
Նշվում է, որ օգնության հաջորդ փաթեթի մասին հայտարարությունը պետք է արվի այսօր՝ հունիսի 27-ին։
Պենտագոնի տվյալներով՝ 2022 թ.-ի փետրվարից Միացյալ Նահանգներն իր պահուստներից Ուկրաինային մատակարարել է ավելի քան 15 միլիարդ դոլար գումարի զենք ու տեխնիկա:
ԱՄՆ-ն նաև Ուկրաինային կուղարկի լրացուցիչ 6.2 միլիարդի օգնություն՝ շնորհիվ հաշվապահական սխալի, քանի որ ռազմական գերատեսչությունը գերագնահատել էր վերջին տարվա ընթացքում Ուկրաինա ուղարկված զենքերի արժեքը:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
