Կոնֆլիկտ Վագների ղեկավարի և Շոյգուի միջև․ ինչ է հայտնի այս պահի դրությամբ
Ինչպես հաղորդում է MEDUZA-ն՝ հունիսի 23-ի առավոտյան Պրիգոժինը տեսանյութ է հրապարակել, որում քննադատում է նախարարությանը և մեղադրում նրանում, որ այն «խաբում է նախագահին»: Պրիգոժինի խոսքով՝ ռուսական զորքերը Ուկրաինայում «արյունով են լվացվում», Ուկրաինայի ԶՈւ-ն հաջող հարձակում է իրականացնում, իսկ ռուսական զորքերը «որևէ կերպ չեն կառավարվում»:
Ցերեկը Պրիգոժինը հայտարարել է, որ հաղորդում է ներկայացրել Քննչական կոմիտե Շոյգուի և Գլխավոր շտաբի պետ Վալերիյ Գերասիմովի դեմ, քանի որ նրանք պատասխանատվություն են կրում ռուս ժողովրդի ցեղասպանության համար»:
Արդեն երեկոյան ՄՌԿ Վագների ղեկավարը հայտարարել է, որ կառույցի ճամբարներին հրթիռային հարվածներ են հասցվել և իրենք ունեն շատ զոհեր: Նա հարձակման մեջ մեղադրել է ՌԴ ՊՆ-ին և ասել, որ իրենք 25,000 զինվորներով գալիս են «վերականգնելու արդարությունը»:
ՌԴ պաշտպանության նախարարությունը Պրիգոժինի հայտարարությունը «Վագներ» ՄՌԿ-ի ճամբարներին «ռուս զինվորականների կողմից հարվածելու» մասին հայտարարությունը «տեղեկատվական սադրանք» է անվանել։ ՌԴ ՊՆ-ն հայտարարություն է տարածել, որում ասվում է, որ «Եվգենի Պրիգոժինի անունից սոցիալական ցանցերում տարածված բոլոր հաղորդագրություններն ու տեսագրությունները «Վագներ ՄՌԿ-ի թիկունքի ճամբարներին ՌԴ ՊՆ-ի կողմից իբր հարված հասցնելու մասին» չեն համապատասխանում իրականությանը և տեղեկատվական սադրանք են»։ Ռուսաստանի Դաշնության զինված ուժերը, ինչպես հաղորդում է РИА Новости-ն , «շարունակում են մարտական առաջադրանքներն Ուկրաինայի զինված ուժերի հետ շփման գծում հատուկ ռազմական գործողության տարածքում»։
Իր հերթին ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանի Դաշնության նախագահ Վլադիմիր Պուտինը տեղյակ է «Վագներ» մասնավոր ռազմական ընկերության հիմնադիր Եվգենի Պրիգոժինի շուրջ ստեղծված իրավիճակին, որը փաստացի հայտարարել է ռազմական հեղաշրջում իրականացնելու մտադրության մասին։
«Նախագահ Պուտինը տեղեկացված է Պրիգոժինի շուրջ տեղի ունեցող բոլոր իրադարձություններից։ Ձեռնարկվում են անհրաժեշտ միջոցներ»,- ասել է Պեսկովը։
Այս հայտարարություններից անմիջապես հետո հայտարարությամբ է հանդես եկել Ազգային հակաահաբեկչական կոմիտեն՝ ընդգծելով, որ «Վագներ» մասնավոր ռազմական ընկերության հիմնադիր Եվգենի Պրիգոժինի հայտարարության հետ կապված Անվտանգության դաշնային ծառայությունը քրեական գործ է հարուցել զինված խռովության կոչ անելու փաստի առթիվ։ Կոմիտեի հայտարարության մեջ նշվում է, որ Եվգենի Պրիգոժինի անունից տարածված պնդումները ոչ մի հիմք չունեն։
«Մենք պահանջում ենք անհապաղ դադարեցնել ապօրինի գործողությունները», - ասվում է Ազգային հակաահաբեկչական կոմիտեի հայտարարությունում:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։