Տրանսպորտային ոլորտում ընդլայնվում են Իրանի և Ռուսաստանի միջև համագործակցությունները
Իրանը և Ռուսաստանը կիսում են ռազմավարական շահերը երկկողմ ոլորտներում, հատկապես՝ տնտեսական, ռազմական և անվտանգության հարաբերություններում, ինչպես նաև տարածաշրջանային և միջազգային հարցերում, ինչպիսիք են ամերիկյան միակողմանիության դեմ պայքարը, և սա վերջին տարիներին երկու կողմերի սերտ համագործակցության հիմնական գործոններից մեկն է եղել։
Այս առնչությամբ և ըստ Iranpress լրատվական գործակալության, Իրանի ճանապարհների և քաղաքաշինության նախարար՝ Մեհրդադ Բազարփաշը, ով հինգշաբթի մեկնել է Ռուսաստան՝ մասնակցելու Սանկտ Պետերբուրգի 26-րդ միջազգային տնտեսական գագաթնաժողովին և հետամուտ լինելու երկկողմ պայմանավորվածություններին, ուրբաթ օրը հանդիպում և զրույց է ունեցել ՌԴ Պետդումայի տրանսպորտային հանձնաժողովի նախագահ՝ Նիկոլայ Մաքսիմովիչի հետ:
Այս հանդիպմանը Մեհրդադ Բազարփաշը կոչ է արել մեծացնել Իրանի և Ռուսաստանի միջև գործադիր և օրենսդրական ոլորտներում համագործակցությունը՝ նպատակ ունենալով արագացնել համատեղ նախագծերի իրականացումը, հատկապես Հյուսիս-Հարավ երկաթուղային անցումը:
«Իրանի ճանապարհ»-ը որպես նոր նախաձեռնություն Իրանի և հարևան երկրների միջև տրանսպորտային համագործակցության զարգացման ոլորտում, Մեհրդադ Բազարփաշի և Նիկոլայ Մաքսիմովիչի քննարկած մյուս թեմաներից էր:
Իրանի ճանապարհների և քաղաքաշինության նախարարը Հյուսիս-Հարավ երկաթուղային անցման մասնագիտացված հանդիպմանը, որն անցկացվել է երթուղու երկայնքով գտնվող երկրների տրանսպորտի նախարարների, ինչպես նաև ՌԴ նախագահի հատուկ ներկայացուցիչների ներկայությամբ, «Իրանի ճանապարհ» նախագիծն անվանել է քայլ հարևան երկրների առավելագույն տնտեսական օգուտներն ապահովելու ուղղությամբ։
Բազարփաշն ասել է. «Տարածաշրջանի երկրները կարող են լուծել իրենց տարանցիկ և լոգիստիկ խնդիրների մեծ մասը՝ օգտագործելով Իրանի ուղիներն ու հնարավորությունները»:
Այս հանդիպմանը ՌԴ Դումայի տրանսպորտի հանձնաժողովի ղեկավար Նիկոլայ Մաքսիմովիչն իր գոհունակությունն է հայտնել տարբեր ոլորտներում, այդ թվում՝ տրանսպորտային ոլորտում երկու երկրների համագործակցության արագացման կապակցությամբ և ասել է.«Իրանի և Ռուսաստանի նախագահների կողմից Հյուսիս-Հարավ երկաթուղային անցման ավարտի մասին համաձայնագրի ստորագրումից հետո այս ոլորտում զգալի թռիչք է սկսվել»:
Մաքսիմովիչը մատնանշեց Իրանի և Ռուսաստանի մեծ կարողությունները երկաթուղային, ծովային, ավտոմոբիլային և օդային փոխադրումների ոլորտում և ասաց.««Իրանի ճանապարհ» նոր նախաձեռնությունը և Իրանի բացառիկ հնարավորությունները շահավետ կլինեն տարածաշրջանի բոլոր երկրների համար»։
Իրանի ճանապարհների և քաղաքաշինության նախարար Մեհրդադ Բազարփաշը երեկ Սանկտ Պետերբուրգի տնտեսական համաժողովի շրջանակներում հանդիպել և զրուցել է նաև Ռուսաստանի առաջին փոխվարչապետի հետ։
Այս հանդիպմանը կողմերն ընդգծել են Իրանի Իսլամական Հանրապետության և Ռուսաստանի Դաշնության նախագահների միջև վերջերս ձեռք բերված պայմանավորվածությունների կատարման անհրաժեշտությունը։
Երկկողմ պայմանավորվածությունների իրականացումը, Հյուսիս-Հարավ միջմայրցամաքային միջանցքում Ռեշտ-Աստարա երկաթուղային հատվածի կառուցման գործադիր միջոցառումների արագացումը և ծովային, ավտոմոբիլային, երկաթուղային և օդային տրանսպորտի արդյունաբերության շղթայի ավարտը բանակցությունների մյուս առանցքներից էին:
Փորձագետների կարծիքով՝ Հնդկաստանից Սանկտ Պետերբուրգ ապրանքներ ուղարկելու ընդհանուր երթուղիները մոտ 14500 կմ են, սակայն Իրանի միջանցքն այս երթուղու վրա կազմում է ընդամենը 7200 կմ, որի շահագործումը պահանջում է տարանցման ժամանակի 40%-ը և տրանսպորտային ծախսերի 30%-ը։
Իրանի և Ռուսաստանի միջև Ռեշտ-Աստարա երկաթուղու կառուցման պայմանագիրը ստորագրվել է մայիսի 17-ին՝ Թեհրանում Իրանի ճանապարհների և քաղաքաշինության նախարարի և Ռուսաստանի տրանսպորտի նախարարի միջև, Իրանի Իսլամական Հանրապետության նախագահ Սեյեդ Էբրահիմ Ռայիսիի և ՌԴ նախագահ Վլադիմիր Պուտինի ելույթից հետո։
parstoday.ir
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։