Իրանի արտաքին գործերի նախարարության խոսնակ Նասեր Քանանին անդրադառնալով  ԻԻՀ տարածաշրջանային ռազմավարությանը և Պարսից ծոցի համագործակցության խորհրդի անդամ երկրների հետ հարաբերությունների ամրապնդման ու խորացման  կապակցությամբ հիմնական քաղաքականությանը  և հարևանության սկզբունքի զարգացմանը, հույս է հայտնել,որ տարածաշրջանի երկրներն իրենց հայացքը ուղղելով դեպի ապագան և  հեռու մնալով անցյալի ավանդական գրականությունից՝ տարածաշրջանում նոր շրջանակներ կստեղծեն համագործակցության համար»:

Վերջին ամիսներին տարածաշրջանի զարգացման գործընթացը համարելով խոստումնալից և այս տարածքի բոլոր երկրների շահերի շրջանակներում, Քանանին հավելել է, -«Պարսից ծոցի երկրները հավաքական պատասխանատվություն ունեն տարածաշրջանի շահերը առաջ տանելու համար, իսկ Իրանը միշտ աջակցել է որպես տարածաշրջանային գործընկերների՝ այս տարածաշրջանի երկրների երկխոսությանը և համագործակցությանը»։

Իրանի արտաքին գործերի նախարարության խոսնակն անտեղի է համարել  Իրանի միջուկային ծրագրին առնչվող հարցերի վերաբերյալ Պարսից ծոցի համագործակցության խորհրդի հայտարարությունը և պարզաբանել է, որ Իրանի Իսլամական Հանրապետությունը, ելնելով իր իրավունքներից ու պարտականություններից՝ համաձայն Միջուկային զենքի չտարածման պայմանագրի և. Համապարփակ երաշխիքների համաձայնագրի՝ իր միջուկային խաղաղանպատակ ծրագրին հետևում է  հարակից երկրների  և ՄԱԳԱՏԷ-ի հետ համագործակցության միջոցով:

Քանանին ընդգծել է, -«Իրանի Իսլամական Հանրապետությունը ևս մեկ անգամ իր վճռակամությունն է հայտնում համագործակցելով Պարսից ծոցի Համագործակցության խորհրդի իր հարևանների և եղբայրների հետ ՝ կայուն, անվտանգ, ապահով ու բարգավաճ տարածաշրջանի հասնելու համար»: 

Իրանի արտաքին գործերի նախարարության խոսնակ Նասեր Քանանին հայտնել է, որ Իրանի Իսլամական Հանրապետության և Ադրբեջանի Հանրապետության արտաքին գործերի նախարարների միջև բանակցությունների չորս փուլ է անցկացվել։ Բանակցությունների վերջին փուլում որոշ քայլերի գործադրման շուրջ պայմանավորվածություն ձեռք է բերվել: Երկու  երկրների միջև տեխնիկական և մասնագիտացված պատվիրակությունների փոխանակումը  կողմերի միջև ձեռքբերված պայմանավորվածության մի մասն է։

Քանանին հավելել է,-«Մենք կարծում ենք, որ լարվածության վերահսկման հետ կապված մեր ձեռնարկած դիվանագիտական ​​միջոցառումների արդյունքում դրական արդյունքի ենք հասել, և այժմ բանակցությունների փուլում ենք՝ լարվածության փուլից նոր փուլ անցնելու և Ադրբեջանի գործունեությունը  Իրանում վերսկսելու համար»։