Իսլամական հեղափոխության գերագույն առաջնորդն այսօր երկրի միջուկային արդյունաբերության գիտնականների, մասնագետների, փորձագետների և պաշտոնյաների հետ հանդիպման ժամանակ, ընդգծելով միջուկային զարգացումների ազդեցությունը մարդկանց կյանքում շոշափելի դարձնելու համակողմանի ջանքերը, ասել է.-«Միջուկային շատ կարևոր արդյունաբերության տեղայնացումը ցույց է տալիս Արևմուտքի ձախողումը և արևմտամետների նվաստացումը, որոնք  փորձում էին նսեմացնել  ժողովրդին  և երկրում  թուլացնել աշխատանքի ու հույսի ոգին»։

Մեծարգո  առաջնորդի գրասենյակի տեղեկատվական կայքի  փոխանցմամբ՝ Իսլամական հեղափոխության գերագույն առաջնորդը սուտ  անվանելով «Իրանում միջուկային զենք արտադրելու վախի» մասին Արևմուտքի պնդումը, հավելել  է,-«Նրանք իրենք էլ գիտեն, որ մենք չենք ձգտում միջուկային զենք ունենալ։Ինչպես,որ ԱՄՆ-ի  հետախուզական հանրությունը մի քանի անգամ, այդ թվում՝ վերջին ամիսներին, խոստովանել է այն փաստը, որ որևէ նշույլ չկա Իրանի՝  միջուկային զենք ստեղծելու ուղղությամբ ընթանալու վերաբերյալ»:

Այաթոլլահ Խամենեին զանգվածային ոչնչացման զենքերի (լինի միջուկային, թե քիմիական) արտադրությունն իսլամի դեմ համարելով ասել է,-« Եթե ​​այս իսլամական հիմքը չլիներ, և մենք միջուկային զենք արտադրելու կամք ունենայինք, դա կանեինք, և թշնամիները ևս գիտեն, որ չէին կարող մեզ կանգնեցնել»։

Իսլամական հեղափոխության գերագույն առաջնորդը նշել է,-«Իրանի Միջուկային արդյունաբերությանը հակադրվելու թշնամիների իրական պատճառը՝ «Իրանի ժողովրդի առաջընթացն է: Նրանք փաստորեն դեմ են Իրանի ժողովրդի առաջընթացին: Այս արդյունաբերությունը տարբեր ոլորտներում երկրի և  ժողովրդի զգալի առաջընթացի բանալին է: Փաստորեն թշնամիները վախենում են,որ մյուս ժողովուրդները հետևեն  Իրանի  օրինակին»:

Նա այնուհետև ասաց. -«Միջուկային կողմերը և  ՄԱԳԱՏԷ-ն շատ խոստումներ տվեցին այս տարիներին, որոնք չկատարվեցին, և մենք հասկացանք, թե ում և որտեղ պետք է վստահենք, կամ չվստահենք, և այս խնդրի ըմբռնումը շատ կարևոր է ժողովրդի համար: Ինչպես,որ  մենք շատ տեղերում հարված ենք ստացել այս հարցին ուշադրություն չդարձվելու համար»։
Այաթոլլահ Խամենեին անհրաժեշտություն համարելով աշխարհում տարածված ցածր հզորությամբ էլեկտրակայանների ստեղծման վրա աշխատելը, ասել է,-«Տարբեր բաժիններում երկրին անհրաժեշտ են նման էլեկտրակայաններ»:

Ընդգծելով, որ Ատոմային էներգիայի կազմակերպությունը չպետք է ընթացք տա դիմացի կողմերի իրականությանը չհամապատասխանող պնդումներին և բռնի պահանջներին, մեծարգո առաջնորդը հավելել է,-«Մի՛ ընդունեք  զոռբայական պահանջներ,ոչ էլ պատահական ու իրականությանը չհամապատասխանող պնդումներ, թե իբր այսինչ պահին այսինչ բանն եք արել»: