Հանդիպմանը ներկա էին Իրանում ՀՀ Դեսպան Պրոֆ․ Արսեն Ավագյանը, դեսպանատան դիվանագիտական անձնակազմը, FlyOne Armenia ավիաընկերության առևտրական հարցերով տնօրեն Հայկ Հակոբյանը և Maysun Tour & Travel Agency  (FlyOne Armenia  ավիաընկերության   ներկայացուցիչ Իրանում) գործադիր տնօրեն Մոհամմեդ Մոհամմեդին։

 

Անդրադառնալով  հունիսի 6-ին Թեհրան-Հայաստան թռիչքների մեկնարկին, FlyOne Armenia  ընկերության տնօրենների խորհրդի նախագահ Արամ Անանյանն մամլո ասուլիսում ասաց. «Երևան-Թեհրան ուղիղ չվերթները ջերմորեն են ընդունվել։ Մեր ինքնաթիռները թռիչքներ են իրականացնում 20 ուղղություններով՝ Ռուսաստան, Եվրոպա, Մերձավոր Արևելք և այլն»։

 

Հունիսի 7-ին Թեհրանում ՀՀ դեսպանատանը լրագրողների հետ հանդիպման ժամանակ FlyOne Armenia ընկերության տնօրենների խորհրդի նախագահ Արամ Անանյանը  լրագրողներին բացատրեց Իրանի և Հայաստանի միջև թռիչքների ընթացքը և նշեց, որ FLYONE ARMENIA hայկական ազգային ավիաընկերությունը հունիսի 6-ից տվել է Երևան-Թեհրան-Երևան երթուղով կանոնավոր չվերթների մեկնարկը:

Անանյանը հավելեց Երևան-Թեհրան-Երևան երթուղով չվերթները «Զվարթնոց» միջազգային օդանավակայանից դեպի Թեհրանի Իմամ Խոմեյնի անվան միջազգային օդանավակայան կիրականացվեն շաբաթական չորս չվերթ հաճախականությամբ՝ երկուշաբթի, երեքշաբթի, չորեքշաբթի և ուրբաթ օրերին՝ հարմար չվացուցակով և յուրաքանչյուրի համար մատչելի գնով։

Անանյանը հավելեց. «Թեհրանի չվերթը մեզ համար առանձնահատուկ նշանակություն ունի և այն դիտարկվում է որպես ռազմավարական զարգացման յուրատեսակ քայլ։ Նոր չվերթը հարմարավետ տրանսպորտային այլընտրանք կստեղծի Երևանի և Թեհրանի միջև՝ հնարավորություն տալով խթանելու մշակութային, տնտեսական և զբոսաշրջային ամուր կապերը»։

Անդրադառնալով Թեհրանում ՀՀ դեսպանության ջանքերին, նա ասաց. «Այս թռիչքների ձեռքբերումներից են մշակույթի և քաղաքակրթության մերձեցումը և զբոսաշրջության ոլորտի խթանումը»։

Անանյանը հավելեց. «Fly One-ի նավատորմը բաղկացած է Airbus 319 ինքնաթիռներից։ Բոլոր ինքնաթիռները նոր են և ունեն անվտանգության ամենաբարձր չափանիշներ»։

Fly One ընկերության տնօրենների խորհրդի նախագահն այս հանդիպմանը ի պատասխան Iran Press-ի թղթակցի հարցին՝ կապված Իրանի այլ քաղաքներից այս թռիչքի հնարավորության հետ, ասել է. «Fly One ընկերության երկարաժամկետ նպատակներում, բացի Թեհրանը դիտարկվում են նաև այլ քաղաքներ՝ Սպահանը, Թավրիզը և Քիշ կղզին, որոնք կուսումնասիրվեն»։

Պատասխանելով «Հայազդ» լրատվական կայքի հարցին, որ Fly One ընկերությունը դեպի ԵԱՏՄ երկրներ և Եվրոպա ապրանքափոխադրման և օդային տրանզիտի ծառայություններ նաև մատուցում է իրանական և հայկական գործարարական ընկերություններին, Անանյանն ասաց․ «Ներկայումս տուրիստական և ուղևորական թռիչքների կողքին ընկերությունը զբաղվում է օդային ապրանքների փոխանակման աշխատանքով, բայց դեռ չկա կոնկրետ ապրանքափոխադրման թռիչքներ, սակայն ընկերությունը քննարկում է այդ հնարավորությունը ևս ապագայում ավելացնել իր օդային նավատորմի ծառայությունների ծրագրում»։ 

նանյանը պարզաբանեց. «Մենք փորձում ենք ուղևորափոխադրումներին զուգահեռ ունենալ բեռնափոխադրումներ, և մոտ ապագայում այդ հարցը կընդլայնվի նաև Եվրասիական տարածաշրջանում»։