Հայտարարությունը ստորև․

«Լուրջ մտահոգություն ենք հայտնում 2023 թվականի ապրիլի 23-ին Ադրբեջանի կողմից Լաչինի միջանցքում անցակետի տեղադրման կապակցությամբ։ Սա կարող է ունենալ բացասական հետևանքներ և դիտարկվում է որպես 2020 թվականի նոյեմբերի 9-ի հրադադարի մասին հայտարարության ակնհայտ խախտում, ինչպես նաև միջազգային դատարանի 2023 թվականի փետրվարի 22-ի պարտադիր որոշման նկատմամբ անհարգալից վերաբերմունք, որը պարտավորեցրել է Ադրբեջանին «ձեռնարկել իր տրամադրության տակ եղած բոլոր միջոցները ՝ Լաչինի միջանցքով երկու ուղղություններով անձանց, տրանսպորտային միջոցների և բեռների անարգել երթևեկությունն ապահովելու համար»։

Հիշեցնենք, որ միջանցքի ադրբեջանական շրջափակումը շարունակվում է 2022 թվականի դեկտեմբերի 12-ից և հումանիտար դժվարություններ է ստեղծում Լեռնային Ղարաբաղի բնակչության համար ՝ զգալիորեն խաթարելով խաղաղության հեռանկարները ։ Վերջին գործողություններն էլ ավելի են սրել իրավիճակը։

Կոչ ենք անում Բաքվին անհապաղ փոխել ուղեգիծը և ստանձնել Լեռնային Ղարաբաղի հակամարտության խաղաղ կարգավորման և միջազգային պարտավորությունների ու նորմերի պահպանման պարտավորությունները: Եվրամիությունը նախկինի պես պատրաստ է օգնել կողմերին բանակցությունների միջոցով լուծել իրենց բոլոր տարաձայնությունները:

Ավելին, ափսոսանք է առաջացնում այն փաստը, որ նման գործողությունները ձեռնարկվել են ապրիլի 24-ին Հայոց ցեղասպանության զոհերի հիշատակի օրվա ՝ 108 տարի առաջ Օսմանյան կայսրության կողմից հայերի բնաջնջման արշավի մեկնարկի տարելիցի նախօրեին ։ Մենք հարգում ենք ցեղասպանության մեկուկես միլիոն զոհերի հիշատակը և կոչ ենք անում միջազգային հանրությանը զգոն մնալ հրահրող հռետորաբանության և ատելություն սերմանող և հաշտեցումը խոչընդոտող գործողությունների բոլոր դեպքերի նկատմամբ»:

 

Աղբյուր՝ araratnews.am