«Տուն-Էքսպո» ցուցահանդեսի շրջանակում հանրությունը երեք օր շարունակ հնարավորություն կունենա ծանոթանալու ընկերության հետաքրքիր ու կարևոր առաջարկներին: 

«Արմենպրես»-ի հետ զրույցում՝ «Վոլտա» ընկերության գործադիր տնօրեն Նորայր Դումոյանը նշեց, որ ընկերությունը հիմնադրվել է 2018 թվականին՝ «Վոլտ» բրենդի ներքո, հետագայում ռեբրենդինգի արդյունքում դարձել է «Վոլտա»: Ըստ հիմնադիրի՝ ընկերությունը դարձել է ոլորտում լավագույն հնգյակի մեջ ընդգրկված արևային փոխակերպիչներ արտադրող «Huawei» ընկերության պաշտոնական ներկայացուցիչը Հայաստանում, ինչպես նաև «Soft Term» ընկերության միակ լիցենզավորված գործընկերը տարածաշրջանում:

Անդրադառնալով առաջիկա անելիքներին՝ ընկերության ղեկավարը նշեց, որ ոլորտը ինչպես ամբողջ աշխարհում, այնպես էլ Հայաստանում դինամիկ կերպով զարգանում է և ընկերությունը փորձում է քայլել ժամանակին համահունչ:

«Photomate Eurasia LLC» ընկերության Կովկասի և Կենտրոնական Ասիայի երկրների ղեկավար Ջաբա Շաքարիշվիլին նշեց, որ Photomate-ը եվրոպական ընկերություն է, որը HUAWEI-ի VIP գործընկերն է: 

«Մենք մատարակարում ենք HUAWEI-ի ապրանքները նաև այստեղ՝ Հայաստան: Եվ մենք այստեղ ենք աջակցելու մեր գործընկերոջը՝ «Վոլտա»-ին, որը ներկայացրել է ալգորիթմային համակարգի այս գեղեցիկ նախագիծը: Ապագայի համար մենք պլանավորում ենք ավելի մեծ աջակցություն ցուցաբերել «Վոլտա» ընկերությանը»,- նշեց Շաքարիշվիլին : 

HUAWEI ընկերության մարքեթինգի տնօրենը Մոհիտ Շիրմալը ասաց, որ «Տուն էքսպո»-ին մասնակցում են նոր առաջարկներով ու հաճախորդներին ներկայացնում են ամբողջական լուծումներով պրոդուկտ: 

 «HUAWEI-ը թիվ մեկ բրեդն է արևային էներգիայի արտադրության ոլորտում: Մենք ամբողջական լուծումներ ենք առաջարկում տների, բիզնեսի, նույնիսկ կառավարության համար: Այսօր մեր գործընկեր Volta-ի հետ ներկայացնում ենք մեր առաջարկները: Տարիներ առաջ մենք սկսեցինք ներդրումներ կատարել արևային էներգետիկայի ոլորտում, այսօր արդեն մեր հաճախորդներին առաջարկում ենք ամբողջական լուծումներ: Առանցքային առաջարկներից մեկն այն է, որ մեր պրոդուկտն առանձնանում է անվտանգության ու ապահովության տեսանկյունից, թե տների, թե գրասենյակների, թե բիզնեսի համար»,- եզրափակեց նա: 

Շիրմալը ընդգծեց, որ HUAWEI-ն աշխարհի տարբեր երկրների շուկաներում առաջատարն է: Տարեց տարի ընդլայնում է իր ներկայացվածությունը՝ ընդգրկելով նոր շուկաներ: 

Ռուսական «Soft Term» ընկերության էներգախնայող ջեռուցիչները նույնպես հանրությունը հնարավորություն ունի ձեռք բերելու միայն «Վոլտա» ընկերությունից: «Soft Term» ընկերության ներկայացուցիչ Պավել Ժիբրիկը նշեց, որ այսօր այստեղ է իր գործընկերների հետ ներկայացնելու տաքացուցիչի բոլոր առավելությունները:

 

«Տաքացուցիչները էներգիախնայող ու էկոլոգիապես մաքուր են, ունեն 12 տարվա գործարանային երաշխիք, բացարձակ անաղմուկ են, առկա է պարզ և հասանելի տեղադրման համակարգ: Էներգախնայող էլեկտրական ջեռուցիչները նախատեսված են հստակ մակերեսների համար և լինում են ինչպես դասական սպիտակ երեսպատմամբ, այնպես էլ՝ փայտե և պատկերազարդ: Մենք արդեն երկու տարի է համագործակցում ենք և այս տարի մայիսին պլանավորում ենք սկսել արտադրություն Հայաստանում»,-ասաց նա: