Այսօր՝ դեկտեմբերի 26-ին, ԵԶԲ վերլուծաբանների տվյալներով՝ այս տարվա տասը ամիսների ընթացքում ԵԱՏՄ անդամ երկրների միջև փոխադարձ առևտրի ծավալը կազմել է շուրջ 67 մլրդ դոլար (տարեկան աճը՝ 12,8%)։

«Արտադրական և լոգիստիկ շղթաների փոփոխությունները նոր հնարավորություններ են ստեղծել ԵԱՏՄ որոշ տնտեսությունների համար։ Այսպես, 2022 թվականի 10 ամսվա արդյունքներով Հայաստանի արտահանումը Բելառուս և Ռուսաստան աճել է 2,8 և 2,5 անգամ, Ղրղզստանի արտահանումն այդ երկրներ՝ համապատասխանաբար 2 և 2,6 անգամ։ Ղազախստանի արտահանումը` 1,2 անգամ դեպի յուրաքանչյուր երկիր: ԵԱՏՄ-ի միջև փոխադարձ առևտրի ծավալը բանկի վերլուծաբանները կանխատեսում են մինչև 2022 թվականի վերջը 80-83 մլրդ դոլարի չափով (աճը մոտ 12%)»,- ասված է ԵԶԲ հեռագրային հաղորդագրության մեջ։

Հայաստանի վիճակագրական կոմիտեի տվյալներով՝ ԵԱՏՄ երկրների հետ հանրապետության արտաքին առևտրաշրջանառությունն այս տարվա տասը ամիսներին կազմել է գրեթե 4 մլրդ դոլար՝ նախորդ տարվա նույն ժամանակահատվածի համեմատ աճելով 88%-ով։ Միաժամանակ, հունվար-հոկտեմբերին Հայաստանից ԵԱՏՄ երկրներ արտահանումը գնահատվում է 1,8 մլրդ դոլար (աճը՝ 2,5 անգամ), ներմուծումը` 2,4 մլրդ դոլար (+50,8%)։