Պուտինի ձախողումները Սի Ծինպինի անհանգստությունն են առաջացրել
ԱՄՆ Կենտրոնական հետախուզական վարչության տնօրեն Ուիլյամ Բըրնսը ամերիկյան հանրային հեռուստատեսությանն ասել է, որ աշխարհի ոչ մի երկիր այնքան ուշադիր չի հետևել Ռուսաստանի ձախողումներին մարտի դաշտում, որքան Չինաստանը։
«Չեմ կարծում, որ որևէ այլ օտարերկրյա առաջնորդ այնքան ուշադրություն է դարձրել այս պատերազմին և Ռուսաստանի տապալումներին, որքան Սի Ծինպինը, երբ նա մտածում է իր հավակնությունների մասին Թայվանում և այլուր», – ասել է Բըրնսը:
«Հետաքրքիր էր տեսնել Չինաստանի ղեկավարության արձագանքը Ուկրաինայում պատերազմին», – ասել է նա, քանի որ ներխուժման նախօրեին Պուտինն ու Սի Ծինպինը հանդիպեցին և հռչակեցին «անսահման բարեկամություն»: Այնուամենայնիվ, այս համագործակցությունը սահմաններ ուներ: Համոզվելով Պուտինի ծրագրերի ձախողման մեջ՝ Չինաստանը հրաժարվեց զենք մատակարարել Ռուսաստանին։
«Պարզվում է, որ այս գործընկերությունը սահմաններ ունի, համենայն դեպս այն առումով, որ նախագահ Սին չի ցանկանում Պուտինին տրամադրել այն ռազմական օգնությունը, որը նա խնդրել էր Ուկրաինայի պատերազմի ժամանակ: Ուստի ես ոչ մի պահ չէի թերագնահատի Չինաստանի և Ռուսաստանի ղեկավարության հակվածությունն այս գործընկերությանը»,- ասել է Բըրնսը։
lragir.am