Այս մասին Civic.am-ը տեղեկացավ Հիմնադրամի պաշտոնական կայքից։  «Ձեր նվիրաբերությամբ միացե՛ք և աջակցե՛ք Հիմնադրամի մարդասիրական ծրագրերին՝ նպաստելով մեր Հայրենիքի բազմաթիվ համայնքների կենսունակ զարգացմանը: Ձեր նվիրաբերությունները կարող եք կատարել մեր առցանց հարթակում՝ www.himnadram.org/hy/donate» նշված է ծանուցման մեջ։ 

Հիմնադրվելով 1992 թվականին՝ «Հայաստան» համահայկական հիմնադրամը եզակի մի կառույց է, որի նպատակն է ստեղծել համահայկական ցանց, աջակցել Հայաստանին և աշխարհի հայերին, իրականացնել Հայաստանի և Արցախի կայուն ու համաչափ զարգացումը ապահովող ծրագրեր։

Հիմնադրման օրվանից ի վեր՝ «Հայաստան» համահայկական հիմնադրամը Հայաստանում և Արցախում իրականացրել է շուրջ 1300 խոշոր ծրագիր ենթակառուցվածքների, առողջապահության, սոցիալական ապահովության, արվեստի և սպորտի բնագավառներում։ Հիմնադրամի աշխատանքներն իրականացվում են 19 երկրներում գործող 21 տեղական մարմինների և գործընկեր կազմակերպությունների ակտիվ մասնակցության և աջակցության շնորհիվ։

Նշենք, որ Հիմնադրամի Հոգաբարձուների խորհրդի նախագահը Հայաստանի Հանրապետության Նախագահ  Վահագն Խաչատուրյանն է։ Հիմնադրամի անդամներն են մասնավորապես ՀՀ վարչապետ Նիկոլ Փաշինյանը, ԱԺ նախագահ Ալեն Սիմոնյանը, Արցախի Հանրապետության նախագահ Արայիկ Հարությունյանը, պաշտոնաթող նախագահ Արմեն Սարգսյանը, Արցախի Պետնախարար, գործարար Ռուբեն  Վարդանյանը, ինչպես նաեւ Ն.Ս.Օ.Տ.Տ. Գարեգին II Ամենայն Հայոց Կաթողիկոսը, Մեծի Տանն Կիլիկիո Կաթողիկոս
Ն.Ս.Օ.Տ.Տ. Արամ I-ը, մի շարք բարերարներ։   

Նշենք, որ Հիմնադրամի գրծադիր տնօրեն Հայկակ Արշամյանը 1in.am-ին հայտնել է, որ  Ն.Ս.Օ.Տ.Տ. Գարեգին II Ամենայն Հայոց Կաթողիկոսը, Մեծի Տանն Կիլիկիո Կաթողիկոս Ն.Ս.Օ.Տ.Տ. Արամ I-ը այս տարի որոշել են ուղերձ չհղել եւ այն պատվիրակել են ԱՄՆ Արևմտյան թեմի առաջնորդ Գերշ. Տ. Հովնան արքեպիսկոպոս Տերտերյանին։ 

Հիմնադրամի ծրագրերի մասին առավել մանրամասն՝ այս հղումով himnadram.org:

civic.am