Զերծ մնալ ուժի կիրառումից, հարգել միմյանց սուվերենությունն ու տարածքային ամբողջականությունը․ Սոչիում եռակողմ հայտարարություն է ընդունվել
«Արմենպրես»-ի փոխանցմամբ՝ հայտարարության մեջ ասված է, որ Հայաստանի վարչապետ Նիկոլ Փաշինյանը, Ադրբեջանի նախագահ Իլհամ Ալիևը և Ռուսաստանի նախագահ Վլադիմիր Պուտինը, 2022 թվականի հոկտեմբերի 31-ին հանդիպել են Սոչիում և քննարկել 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի եռակողմ հայտարարությունների կատարման ընթացքը։
«Հաստատել ենք հավատարմությունը հիշատակված պայմանավորվածություններին խստորեն հետևելուն՝ ի շահ հայ-ադրբեջանական հարաբերությունների համապարփակ կարգավորման, Հարավային Կովկասում խաղաղության, կայունության, անվտանգության և կայուն տնտեսական աճի ապահովման։ Համաձայնվել ենք լրացուցիչ ջանքեր գործադրել՝ ուղղված առկա խնդիրների շտապ լուծմանը, ներառյալ հումանիտար հարցերը։
Ընդգծելով ռուսական խաղաղապահ կոնտինգենտի առանցքային ներդրումը դրա տեղակայման գոտում անվտանգության ապահովման գործում՝ ընդգծել ենք տարածաշրջանում իրավիճակը կայունացնելու ուղղությամբ կոնտինգենտի ջանքերի պահանջված լինելը։
Պայմանավորվել ենք զերծ մնալ ուժի կամ ուժի սպառնալիքի կիրառումից, բոլոր խնդրահարույց հարցերը քննարկել և լուծել բացառապես միմյանց սուվերենությունը, տարածքային ամբողջականությունը և սահմանների անխախտելիությունը փոխադարձ հարգելու հիման վրա՝ համաձայն ՄԱԿ-ի կանոնադրության և 1991 թվականի Ալմա-Աթայի հռչակագրի։
Ընդգծել ենք Հայաստանի և Ադրբեջանի միջև խաղաղության պայմանագիրն ակտիվ նախապատրաստելու կարևորությունը՝ տարածաշրջանում երկարաժամկետ և կայուն խաղաղության հասնելու նպատակով։ Պայմանավորվածություն է ձեռք բերվել առկա փորձի հիման վրա շարունակել փոխադարձ ընդունելի տարբերակների փնտրտուքը։ Ռուսաստանը ցանկացած եղանակով կաջակցի դրան։
Ընդգծել ենք Հայաստանի և Ադրբեջանի միջև դրական մթնոլորտի ձևավորման կարևորությունը՝ Ռուսաստանի աջակցությամբ երկու երկրների հասարակությունների, փորձագիտական հանրության և կրոնական առաջնորդների միջև երկխոսությունը շարունակելու, ինչպես նաև եռակողմ միջխորհրդարանական շփումների մեկնարկը տալու համար՝ ուղղված երկրների միջև վստահության ամրապնդմանը։
Հայաստանի և Ադրբեջանի ղեկավարները ողջունել են Հայաստանի և Ադրբեջանի հարաբերությունների կարգավորմանն այսուհետև ևս աջակցելու, Հարավային Կովկասի կայունությունն ու բարգավաճումն ապահովելու Ռուսաստանի պատրաստակամությունը», - ասվում է հայտարարության մեջ։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։